Kupia karna lâka mariks

Jisas dîa daukan ba

LILKA: Jisas Sakius ra smalkisa

1. LILKA ba kaiks, apia kaka Luk 19:1-7 aisi kaiki, naha makabi walanka nani laki kaiks:

1. ¿Dîa muni upla kum kum Sakius ra aihka kaiki kan?

2. ¿Ban sakuna dîa muni Jisas witin ra smalkan?

¿Jisas dîa daukan ba wina yawan dîa lan takaia sip sa ki?

2. Yawan upla sut ra tânka kasak smalkaia dukiara kupia karna lâka nit sa.

Jisas daukan baku dauks

3. Jehova ra kasak luks. Gâd spiritka ba smalkaia dukiara Jisas ra karnika yaban, bara man ra sin karnika maikaia sip sa (Mt. 10:19, 20; Lk. 4:18). Upla ra smalkaia sringka brisma kaka, Jehova ra kupia karna lâka makas (Ap.St. 4:29).

4. Upla mawan bâk saki kulkpara. Sam taim, upla kum ra smalkaia lukisa taim karna wan munaia sip sa, kan ai mawan, ai iwanka tnatka, apia kaka diaura kasak luki ba yawan aihka kaikisa, apia kaka sirang wan dingkisa. Sakuna kupiam krauks:

1. Jehova bara Jisas baman upla kupia ra dîa bri ba kaikaia sip sa, yawan lika apia.

2. Upla sut ba Jehova wal pâna takaia sip sa.

5. Kupia karna lâka mariks, kuna sim piua ra tânkira bas (Mt. 10:16). Rispik lâka mariks, bara uplika wal unsabaia lukpara. Uplika ba walaia want apia, apia kaka diara saura mai munaia sip sa lukisma kaka, rispik lâka wal aisankam tnata praki mahka was (S.L. 17:14).