UPLA NANI RA KLI WIH KAIKS
Ap.St. 19:8-10
SAPTA 7
Swapraskira warkkam dauki bas
Baibil wina smalkanka ba: “Witin nani yu bani Jisas Misaya ba sturka yamni ba witniska aisi smalkaia ba swiras kata” (Ap.St. 5:42).
Pal dîa daukan ba
1. LILKA ba kaiks, apia kaka Apastil Nani Sturka 19:8-10 aisi kaiki, naha makabi walanka nani laki kaiks:
Upla kum kum Gâd sturka yamni walaia want apia kan, kuna ¿yawan nahki nu sa Pal ba swapraskira ban smalki kan ba?
¿Pal ba walaia wilin kan nani wal aima an ra aisi kan, bara naha ba piua an baku daukan?
¿Pal dîa daukan ba wina yawan dîa lan takaia sip sa ki?
2. Upla nani ra kli wih kaiki Baibil stadika nani tâ krikaia sip kabia dukiara, wan taimka saki karna wark takaia nit sa.
Pal daukan baku dauks
3. Uplika nitka ra luki, taimkam sakaia wilin bas. Naha makabi walanka nani ra luks: “¿Witin ani yua bara awarka ra yang wal aisaia sip sa ki? ¿Ani pliska ra yang wal aisaia want kabia ki?”. Man mampara wirâ karna kabia kra sin, uplika ra kli wih kaikaia wilin bas.
4. Ahkia kli wal aisaia sip sma ba makabi wals. Aisankam tnata prakras kainara, uplika ra makabi wals, ani yua bara awarka ra witin ra kli wih kaikaia sip sma ba. Bara witin ra kli wih kaikaia âmya tikpara.
5. Swappara. Uplika ra ai watla ra sakaia karna mai munisa, apia kaka wark uba bri ba mita Baibil dukiara walaia want apia sa lukpara (1 Ko. 13:4, 7). Swapraskira ban uplika wal aisaia trai muns, kuna sim piua ra taimkam pain yus muns (1 Ko. 9:26).
NAHA TIKSKA NANI SIN LAKI KAIKS
Ap.St. 10:42; 1 Ko. 9:22, 23; 2 Ko. 4:1; Gal. 6:9