Tisku dukyara swisma ki?

Dia dahra aisisa ki? Pat tahbi daukan Witniska nani DPA (durable power of attorney) wauhkataya bangkaia wan wi ba dukyara aisisa. Yawan wal “yauhka ba dia takbia sapa” nu apu sa mita, aitani sa kau trabil kum takras bara, dia saîka wan wîna ra mangkaia want ba luki ulbi swiaia (Jems 4:​14; W.n 15:​28, 29). Naha luki wiaia dukyara Asistencia médica sin transfusiones. Necesidades y derechos del paciente lilkika help tara maikaia sip sa. Pas ba kaiks, bara ningkara puram suni, dia kaikram ba makabi walanka nani munuhtara ba yus muni bila prahni ra ansa muns. (Lilkika na aparit muni satka nani taki ba mita, aisa-yapti nani ra makabisa luhpa kau sirpi nani kaikbia taim, aman luki kabia.)

1) Dia muni daktar kum kum ba upla wîna ra tala dingkras wark takaia luki bangwisa ki? 2) Tala dingkras aparit tara nani daukaia sip ba dukyara tanka yuhmpa aisas. 3) Daktar nani an au taki bangwan sa upla ra tala dingkras aparit munaia? Dia muni baku daukaia wilin takisa? 4) Aspital sat sat ra diara kum kum laki kaikan ba, tala nahki yus muni ba dahra dia marikisa? 5) Wan wîna ra tala dingkisa kaka, dia trabilka takaia sip sa? 6) Wan wîna ra tala dingkras kaia yamnika bara ba dukyara, daktar lankira ailal ba dia luki bangwisa? 7) Tala wik sikniska ba dia muni takisa? Upla kum dia pitka kat ai talya wik briaia sip sa? Sunaia dukyara dia daukaia sip sa? 8) Upla kum wîna ra nahki muni tala pauni kau paskbia daukaia sip sa ki? 9) Aparit munisa taim, uba tala tikaia apia dukyara dia daukaia sip sa? 10) Tuktan kum ra, apia kaka aksidint kum kaka, wîna ra tala dingkras tnatka nani ba yus takaia sip sa ki? 11) Daktar nani main wan kaiki tnatka nani tila wina ani tnatka ba kau yamni pali sa? 12) Tala yus munaia ba dukyara, dia muni kristian nani ba kaina manas wina dia luki ba maisapahkbia aitani sa ki? Nahki daukaia sip sa?

Lilkika na ra aparit muni satka kum kum briaia dukyara, kumi bani ai kupia dara walra Baibil lan daukan ba kat luki wiaia sa. Man ra, luhpiam nani dukyara sin, pat param luki kaikram ani saîka, bara aparit muni satka nani briaia wilin sma? Pat DPA wahya ra ulbi mangkram sa? “Gâd Latwanka laka” bukka, saptika 7 ra ulban ba sut laki kaikma mai paiwisa. Baku sin, Gâd Warkka Dauki wauhkataya Noviembre 2006 ra, wahya taka kum “¿Qué opino de las fracciones sanguíneas y de los procedimientos médicos que impliquen el uso de mi sangre?” wi ba sin kaiks. Bara las kat, dia lukram ba kat DPA wahya ra dia pali want sma ba sut ulbi swiram sapa aman laki kaiks. Siknis kama taim main mai kaikbia uplika ra, wihki Jehova Witnis apia tamya nani ra sin, luki kaiki briram ba sut nu muns.