Tasba aiskara yuaisa!
1. Tasba aiska ra Jisas Pruan Kupia Kraukanka yua kainara dia daukaia ridi takisa?
1 “Naha na yang ra luki dauki bas.” (Luk 22:19.) Jisas Pruan Kupia Kraukanka daukaia wisi, Jehova Witniska nani ba Jisas adarka bila wali, aidrubia uplika aikuki naha manka Marzo katka yua 30 asla takaisa. Marzo 13 yua wina Marzo 30 yua ba kat paiwanka pranakira kum tasba aiskara yuan kabia.
2. Paiwanka ba nahki yuaia sip sa?
2 Paiwanka ba nahki yuaisa? Sip sma wahya ba upla mihta ra mangkaia, bara uplika ba lilkika nani kaikaia sip kabia, ba’ wina wiaia sip sma: “Marzo 30 yua ba Jisas Pruan Kupia Kraukaia dukyara tasba aiskara upla milian milian asla takbia. Paiwanka na man, pamalikam bara panikam paiwma ba sin yamni balan kabia”. Uplika taim bri kaka, Jisas adar yan ba dahra tiks kum aisi kaiks, ningkara awarka, bara anira aidruban kabia pliska ba sin wis. Ban sakuna amya ra bris, upla sut paiwanka bribia dukyara kau pain kabia pyu kunhku ra aisaia.
3. Ya nani ra paiwaia sa ki?
3 Ban sakuna smalkisma pliska ba uba tara sa, bara utla kum ra upla apu sa kaka, paiwanka swibia, swiras kaka almuk nani ba laki kaikbia. Bara sip kaka, paiwanka wal Aihwakisa bara ¡Despertad! wauhkataya nani ba swiaia sip sa. Baku sin, amya tiwbiara stadikam nani ra, wark bara kul panika nani ra, lamam uplika ra, bara kakairikam nani ra paiwanka yabaia.
4. Jehova latwan wan kaiki, swaki wan sakan tingkika mariki ba mita, dia daukaia wan tukbisa?
4 Takaskras pali paiwanka yabaia ridi taks. Smalkaia warkka ra yawan kau daukaia want sa kaka, Jisas Pruan Kupia Kraukanka pyua ra daukaia pain kabia. Ta baiki smasmalkra takaia sip mai munbia ki? Luhpa kum, apia kaka spirit laka ra pawaia sip stadika kum brisma ki? Baku sa kaka, almuk nani wal aisas, bara sip kabia warkka tara na tilara tahbi daukras smalki tataukra kum baku smalkaia. Jehova latwan wan kaiki, swaki wan sakan tingkika mariki ba mita, wan tukbisa Jisas Pruan Kupia Kraukanka yua ra asla takaia, bara wala nani ra sin paiwaia naha yua ra aikuki aidrubaia (Jan 3:16).