Raya nani ra smalkaia nahki lan daukisa

1. Pas yua smalkaia takram taim nahki damra walram ki?

¹ Pas yua utla utla smalki kapram taim kupiam kraukisa ki? Uba srinhkam bri kapram rait apia. Sakuna lilia damra walram! Kan Baibil lan mai daukan uplika ba apia kaka smalki tatukra wala, kum help mai munaia dukyara lamam ra bui kan. Nanara man King laka smalki tataukra lankira kum sma; raya nani ra nahki smalkaia ba lan daukaia sip sma.

2. Raya nani ba dia lan takaia sa ki?

² Smalki tataukra raya nani ba lan takaia sa watla durka ta wina aisaia, Baibil saki yus munaia, kli wih kaikaia warkka daukaia, Baibil stadika kum ta krikaia bara ta briaia. Sakuna baha baman apia, smalkaia warkka tnatka ailal bara ba lan takaia sa yabal ra upla nani ra smalkaia bara diara suni wahwi pliska nani ra sin. Witin nani ra nahki help munma ki? Tankam marikisma bak bara nahki warkka daukaia ba pain smalki.

3. Tankam marikanka bak, wala ra nahki help munbia ki?

³ Tanka marikanka kum bak. Jisas ai disaipilka nani ra marikan nahki smalkaia kan ba (Luk 8:1; 1 Pi. 2:21). Baha nina bliki, raya kum wal au taki, smalkaia wal takma pyua ra, aisanka sirpi witin aisaia sip kabia ba sat kum ridi dauks, bankra wauhkataya nani ra ulban ridi ba wina sakaia sip sma. Smalkaia pliska ra, raya ba mai walbia dukyara watla kum apia kaka wal ra man aisas, ba wina, watla kum wina wala ra auma pyua ra ta krikaia aisanka sirpi yus munram ba pain aisi luki aisaram sapa makabi wals. Baha tnatka yus muni raya ba nu takbia smalki tataukra wala nani wal smalki taukaia ba uba pain sa, bara naika witin aisaia pyua balbia taim nahki kau pain daukaia sip ba dahra raya ba ra wima taim ai kupia wilin kabia mai walaia.

4. Smalki tataukra raya kum smalkanka walan ningkara nahki help munaia sip sa ki?

⁴ Nahki daukaia ba wis. Jisas sin ai disaipilka nani ra smalkaia warkka nahki daukaia kan ba win (Mat. 10:5-14). Sim tnatka ra, raya ba witin aisaia pyua balbia taim, pain pali wals dia aisabia. Watla wina taki wabia taim kupiam param bas bara kupia buki bila nani wis. Diara nani kau lan takaia nit kaikram kabia kra sin diara kum pain kaikram tawan, yas man wina walbia pain daukan sa. Nahki daukaia ba kau wipara; watla wala ba ra pain aisabia sapa bila kaiks. Bankra uba ai srinka brikan. Amya tiwbia ra yawan ba tnatka pain daukaia laka bri ba upla wala wal sim sat apia sa, baku sin tnatka kum pain daukaia laka ba ailal bangwisa (1 Kor. 12:4-7).

5. Raya ra kau pain smalkaia dukyara tanka wiaia want sma kaka dia wiaia sip sma ki?

⁵ Pyu kum kum ra raya ba nahki daukaia help mai makabisa. Sakuna baku takras kaka, kau diara mai wiras ba ra aman kaiki help muns. Nahki muni? Smalki tataukra pyu ailal bri bangwi nani ba dis makabi walisa: “Nahki daukaia help mai munamna want sma ki?” Apia kaka “daukram ba pain sa luki sma ki?”. Tnatka wala sin wiaia sip sa: “Yang smalkaia ta krikri taim karna ai munan ..., kuna yus ai takan ba sika ...”. Pyu kum kum ra aitani kabia Razonamiento bukka, aikuki laki kaikaia. Sakuna diara uba wipara; nahki ridi takan ba dahra tanka kum baman dukyara aisaia sa.

6. Smalkaia warkka ra ayan ba nahki ayan wala wal mala daukisa ki?

⁶ Ayan ba ayan wal mala daukisa. Timoti ba smalkaia warkka ra pyu ailal bri kan, ban sakuna, Pâl mita smalkan ban ai taura wabia bara ai smalkanka ba sin kau pain dauki kabia (1 Tim. 4:13, 15). Pas yua smalkaia takram wina mani ailal luan kabia sin, pain smalkaia tnatka brisma ba kau pain dauki waia sma. Smalkaia warkka ra yulam kahbi uplika bara man wina kau raya bangwi ba wina sin lan taks. Muihni lakri nani ra kupiam pain laka ni help munaia dukyara sin ridi bas, sakuna raya ba sturi yamni smalkaia lan uplika takbia dukyara kau help munaia sa (Sins.l 27:17, Testament Almuk, 1992).