Ani tnatka nani yus munaia ba pain nu sma ki?

Tasba aiskara nanara kau aspital nani bara sa tala yus munras upla ra aparit munisa. Daktar luaia dukyara, tala yus munaia apia tnatka nani bara ba pain nu sma ki? Baha tanka pain nu sma kaka, help mai munbia dia sat saîka yus munaia, apia kaka aparit takbia pyua ra tnatka kum kau pain briaia. Baha mita aitani kabia La negativa a la sangre. La medicina acepta el reto lilkika ba kaikma. Ningkara, dia lan takram ba puram suni, laki kaiks bara taura makabi walanka nani taki ba ansika muns. (Aman kaiks: Naha lilkika ra upla aparit munanka ba, param sakisa baha mita, aisa yapti nani ba ai luhpia sirpi nani wal kaikbia sapa selp luki kaikaia sa.)

1) Ani raitka kau tara ba mita, Jehova Witniska nani ba ai wîna ra tala dingkras? 2) Jehova Witniska nani ba dia pali want sa daktar ra plikisa taim? 3) Daktar pliki uplika ba, dia raitka tara brisa ki? 4) Dia muni tala apu saîka makabaia ba daukanka pain kum sa bara sins laka marikisa wiaia sip sa? 5) Upla kum tala uba lus tiwisa taim, daktar ba dia tnatka wal ba isti daukaia sa? 6) Tala yus munras wark daukaia dukyara, ani bapanka walhwal bara sa ki? 7) Daktar ba nahki sip sa a) tala ba uba yarka laiwaia apia, b) tala pauni ba suni briaia, c) wan wîna ra tala nit ba kau sunaia, bara d) tala plapi ba yus munaia? 8) a) Hemodilución wi ba, dia tanka mariks, b) Wan talya laiwi ba, nahki kli yus muni ba tanka mariks. 9) Daktar nani tala yus munras saîka dauki ba dukyara dia muni tanka pain bri kaia sma? 10) Tala yus munras aparit tara nani daukaia sip sa ki? 11) Daktar aihkika ba naiwa pyua ra dia tnatka pain nani daukaia lukisa?

Naha lilkika ra daktar mita upla ra tala dingkras tnatka nani marikisa. Bara kristian kumi bani naha tnatka kum yus munbia, apia kaka yus munaia apia ba, ai kupia dara walra Baibil ra lan takan ba kat luki wibia. Man bara luhpiam sirpi nani dukyara pain luki kaikram sa ani saîka, bara tala dingkras tnatka nani yus munaia sma ba? Dia luki kaikram ba kat, DPA wahya ra pat ulbi bangkram? Naha sut ulbi bangkras kainara, tanka kau aman laki kaikaia want sma kaka, La Atalaya wauhkataya Li kati 15 bara, 2004 manka ra, bara Waupasa kati 15 bara, 2000 manka ra sin “Preguntas de los lectores” ulban ba kaiks. Baha wina Gâd Warkka Dauki wauhkataya Yahbra kati 2006 ra, wahya taka “¿Qué opino de las fracciones sanguíneas y de los procedimientos médicos que impliquen el uso de mi sangre?” wi ba sin laki kaiks, bara ani ba briaia wilin sma dukyara selp luki kaiks. Ningkara lika, dia lukram ba kat, DPA wahya ra aman kaiki ulbi bangws. Man dukyamra aisabia uplika ra bara tamya nani Jehova Witnis apia ba sin, dia daukaia luki kaikram ba sut nu munaia sma.