“Ulbi sakankam nani ba brimna pana sin yang duki ba brima kaka”
Upla kum kum wan ulbi sakanka nani wal takaskaia want apia sa, kan witin nani want sa yawan sin ai wauhkataya nani ba bribia. Rilidian nani ulbi sakanka aihkika ba smalkanka kunin ba dukiara aisisa. Baha mita, pain apia sa upla nani wal pana pana ulbi sakanka nani chens munaia. Baku takbia kaka, ¿nahki uplika ra rispik lâka ni ansika yabia? (Ro. 1:25.) Naku wiaia sip sa: “Tingki pali, naha ai marikisma ba mita, ¿sakuna dîa tânka dukiara smalkisa? ¿Tasba trabilka nani nahki wapnika mangkaia dukiara dîa smalkisa? [Ansika maikbia swis. Ban kra mai wibia: Aisi kaiks bara ansika nu takma, uplika ra kupia krauks man witin ra ulbi sakanka kum yabram taim, dîa tânka dukiara aisi ba wiram. Baha wina Matiu 6:9, 10 aisi kaiks, apia kaka dîa tânka wi ba dukiara aisas.] Naha borska nani ra mariki ba baku, Jisas win Gâd Kingka lâka bâk Jehova kupia lâka ba naha tasba ra daukbia. Baha mita, naha Kingka lâka dahra aisi ulbi sakanka nani baman yang aisi kaikisna. ¿Baibil ra Gâd Kingka lâka tasba ra dîa daukbia ba dukiara mai aisaia sip sna?”.