¿Dîa muni witin nani ra paiwras?

Kangrigisan aihkika ba smalki tataukra kum kum bâra sa ai wîna tara mapara siknis, apia kaka uba almuk banhwisa mita smalkaia warkka ra wiria baman daukisa (2 Ko. 4:16). Wan kangrigisanka ra baha sât muihni lakrika nani bâra sa kaka, ¿dîa muni wan stadika nani yabaia dukiara witin nani ra paiwras? Smalki tataukra ba ai watla wina sip taki waras sa kaka, wan stadi tatakra ba ra paiwaia sip sa naha watla ra balaia. Aima kum kum ra smalki tataukra siknis ba paiwaia sip sa utla kum kum ra smalkaia, apia kaka upla ra kli wih kaikaia warkka kumi apia kaka wâl daukaia. Smalki tataukra almuk lupia nani ba nahki smalkaia dukiara diara manis nu sa. Baha mita, witin nani wal takbia kaka, yamnika manis bribia (Ro. 1:12). Yawan kasak lukisa naha muihni lakrika nani ra kupia bukaia bara wan latwanka lâka marikaia trai munbia kaka, Jehova blis wan munbia (S.L 19:17; 1 Jn. 3:17, 18).