Jw.org wan pliska ba yus muns luhpiam nani ra smalki pakaia dukiara
1. Internet, jw.org ba ra pîska kum nina “Niños” wi ba, ¿dîa dukiara paskan sa?
1 Internet wan pliska pali ba, jw.org, upla ai manka sât sât bri nani dukiara paskan sa. Pîska kum nina “Niños” (ispail ra baman bara sa; Enseñanzas Bíblicas > Niños ba kaiks) taki ba tuktan lupia nani ra bara aisa yapti wal kau asla kaia dukiara hilp munisa, baku sin kau Jehova lamara kaia (Kli.s 6:6, 7). “Niños” pîska ba, ¿nahki yus munaia sip sma luhpiam nani ra smalkaia dukiara?
2. ¿Nahki nu takaia sip sa tuktan kum wal dîa ba kau pain sa stadi takaia?
2 Tânkira lâka bris. Tuktan lupia nani kumi bani ba sât wala sa (1 Ko. 13:11). Baha mita, ¿nahki nu takaia sip sa tuktan kum wal dîa ba kau pain sa stadi takaia? Pas ba ai manka bara dîa daukaia kau ai brinka sa dukiara nu takaia sa. Baku sin, laki kaiks luhpiam nani ba ani pitka kat ai tânka briaia sip sa, bara piua an sap kaia sip sa. Pîska wala jw.org ra taki ba nina “Mis primeras lecciones de la Biblia” pain sa tuktan mani yumhpa wina ai mâyara bri kaka yus munaia. Baibil sturka nani “De padres a hijos” wi ba pîska ba painkira sa stadi takaia dukiara. ¿Dîa hilpka wala nani takisa yus munaia dukiara?
3. ¿Aisa yapti nani ba nahki sip sa “Ideas para la adoración en familia” pîska wina Baibil sturka bara wark sât sât daukaia bâra ba pain yus munaia?
3 Ideas para la adoración en familia. Naha pîska ba pamali lalka nani dukiara kupia kraukanka pain nani brisa. Baibil sturka nani bara pîska sât sât bâra ba kau pain yus munaia dukiara “Descargar” wi ba ra tais, bara “Guía para los padres” wauhkataya ba laki kaiks. Tuktan sirpi nani wal pain kabia lilka bri pîska nani ba yus munaia, sampla baku pint munaia wauhkataya nani taki ba. Tuktan kau tara nani ra hilp munaia sip sa tânka kum pliki sakaia. Kupia kraukanka nani sut “Guía para los padres” wauhkataya ra taki ba sim sturka apia kaka Baibil lisinka nani dukiara aisisa. Baha mita, pamali sut ba sanska brisa diara kum daukaia.
4. ¿“Hazte amigo de Jehová” pîska ba dîa brisa?
4 Hazte amigo de Jehová. Naha pîska ra taki lawanka bara lilkika nani ba aisa yapti nani ra hilp munisa Gâd Bîla ba ai luhpia lupia nani ra smalkaia (Kli.s 31:12). Lilkika nani so baku taki ba tuktan nani ra lisin pain nani marikisa, bara wark nani daukaia pîska ra pulaia natka taki ba ai sinska lupia ra dingkaia dukiara sa. Tuktan aihkika ba aiwanaia laiksa—bara lawana nani ba tuktan nani ra hilp munisa dîa lan takan ba ai auya tikbia apia—, aima kum kum ra naha pliska ra King Lâka lawanka nani bara tuktan dukiara lawanka nani ba mangkisa.
5. Aisa yapti nani ba, ¿dîa muni Jehova ra makabaia sa nahki ai warkka daukaia?
5 Aisa yapti nani, Jehova brinka pali sa man nani ba luhpiam nani ra pain smalki pakma. Baha mita, namhpa namhpa lukpara Gâd ra hilp makabaia nahki luhpiam nani ra tânka kasak ba smalkaia (Wih. 13:8). Baku luhpiam nani ra hilp munma ‘sins lâka briaia, bara Jisas Kraist ra kasak lukan lâka bri mita, swaki sakan lâkaʼ bribia (2 Ti. 3:15; S.L 4:1-4).