Kaisa jw.org yus munaia smalkaia warkka daukaia dukiara: “Hazte amigo de Jehová”

Jw.org pliska ra, “Enseñanzas bíblicas” ulbanka ra pîska kum tuktan nani dukiara taki ba nina “Hazte amigo de Jehová”, baku sin lilka nani, lawana nani bara tuktan nani wal wark takaia dukia nani sin bâra sa. ¿Smalkaia warkka ra pat yus munram sa ki? Wan stadika tila wina kum luhpa sirpi nani brisa kaka, ¿dîa muni witin nani ra marikras? Ban kra, wan stadika ra kupia bukbia Internet wan pliska pali ra dimaia bara plis wala nani sin laki kaikaia.

Kristian waitna kum King Lâka Sturka numba 38 ba mairin kum luhpa sirpi bri kan ba ra marikan taim, naha ba minitka ra mahka aisi kaikan. Tuktan nani ba sin nu takaia want kan baha wauhkataya ba dîa dukiara aisi kan ba. Kristian waitna ba, wauhkataya ba dukiara tânka marikan bara nina sait ra wan pliska pali dairiksanka taki ba sin marikan. Tuktika nani yaptika ba naha walan taim tâ iwan ba mita, kristian waitna ba sanska brin tuktika nani ra Caleb lilkika kum marikaia ai celularka wina.

Kristian mairin kum wark pânika kum ra, tuktan sirpi nani bri kan ba ra Jw.org pliska dukiara aisan. Baha pliska ra pamali nani dukiara hilpka manis sâkbia win. Mairka kata ba ai luhpia aikuki pliska ra diman. Baha wina, mairka kristian mairin ra win ai luhpia nani ba utla bîla ra “Predica la palabra”, aiwani yu dimisa. Naha ba Ispail ra baman, “Hazte amigo de Jehová” pîska wina sakaia sip sa.

¿Rait apia jw.org wina naha pîska ra dîa raya suni ba kaiki kaia bara lilka, lawana nani, bara wark nani daukaia taki ba alahbaia ba pain kabia? Baku daukbia kaka, yawan ridi kabia naha pîska yus tara bri ba smalkaia warkka ra marikaia, baku natka ra Dawan warkka dadaukra pain kabia (Ap.St 20:19).