Smalkaia warkka kau pain daukaia sip sa: yulam kahbi uplika ra hilp muns

¿Dîa muni daukaia sa? Jisas ba nu kan smalkaia warkka ra wan yula kahbi uplika kum briaia ba aitani sa. Baha mita disaipil 70 ra ai taura smalkaia blikan taim, wâl wâl ra blikan (Lk. 10:1, TNM). Trabil kum piua ra, apia kaka smalki tataukra ba upla ra ansika pain kum yabaia sip apia munbia kaka, man hilpka yabaia sip sma (Smas. 4:9, 10). Bara ai rayaka ra takan sturka painkira kum aisaia sip sa, apia kaka walka ra kupia kraukanka kum kum yabaia sip sa smalki tataukra lankira kum takbia dukiara (S.L 27:17). Baku sin, utla utla ra smalki auya ba ra kupia buki bîla nani baman aisaia sip sa (Pil. 4:8).