Smalkaia warkka kau pain daukaia sip sa: Intercomunicador bâk smalkaia

¿Dîa muni daukaia sa? Intercomunicador bâk upla ra witnis aisaia ba isi apia sa. Wark yamni kasak nani ba daukaia dukiara, ¿nahki wan mapara taki ba pura luaia sip sa? Âmya tikpara intercomunicador ba natka pain kum kaia sip sa upla ailal ra sturka yamni nani ba smalkaia dukiara (Ro. 10:14). Pat kaikan sa naku smalkaia ba yamni pali sa. (Anuario 2011 bukka, wah. 65, 66 bara Anuario 2000 bukka, wah. 54, baiki.s 3 laki kaiks). Kaisa naha kupia kraukanka nani ba kaikaia.

Nahki daukaia:

Marikanka prahni kum uls, uplika ra intercomunicador bâk aisi kaikaia dukiara. Baku lika man sibrin âpu kama. Pas uplika ra wis dîa muni bâra sma. uplika nina ulban sa kaka yus muns. Aisi danh taki bara uplika ra wis ulbanka nani yabaia want sma ba (apia kaka ai durka tâ ba ra swiaia want sma) witin tânka kau plikbia dukiara.
Dîa daukbia ba yamni takbia luks. Lilia aisas uplika wal pana pana mawan kat aisisma baku.
Âmyapah damra wals aisisma piua ra. Klir aisaia sa uba tawa sin apia. Uba takaski aisapara, baku sin uba isti apia.
Tânkira lâka mariks. Uptis watla tara nani ra, intercomunicador kum bâra sa taim ban kra, lingbaika wâl apia kaka yumhpa taibaia sip sma, baha wina pain kaiks ani rumka pat winram bara mahka waia. Upla nani uptis watla ra iwi ba wari takbia, lingbaika sut bâra ba taibisa kaka.

Kati kum bilkara daukaia trai muns:

Pamali Mayunra tihmika ra intercomunicador bâk nahki aisaia sip ba natka praptis muns, bara daukbia nani ba pana pana ai mawan tawi kaikras aisabia.