Smalkaia warkka kau pain daukaia sip sa: Celular bâk upla ra smalks

DÎA MUNI TÂNKA TARA SA. Celular bâk upla ra smalkaia ba tnatka painkira kum sa tnata kat “sturka painkira upla nani ra witnis aisaia” dukiara (Ap.St 20:24).a Baha ba sans wankisa ai watla kat sip wih kaikras uplika ra sin smalkaia.

NAHKI DAUKAIA

• 

  Ridi taks. Aisaia dukiara lukanka kum wahbi saks. Ningkara dîa aisaia want sma ba ulbi bris. Baku sin dîa muni winram sapa wiaia dukiara bîla prahni kum ridi munaia sip sma, winma taim uplika ba bukras kaka ningkara walbia dukiara. Hilp mai munbia tibil ra dîa ulbram ba bara dîa dîa nit takma ba briaia. Celular apia kaka sâtka wala nani wal JW Library^® apia kaka jw.org^® kwaki briaia ba sin hilp mai munbia.

• 

  Si bripara. Tnatkam ba kat aisas. Uplika mawanra sma baku mamwan lilia dauks bara mihtam wal mariks nahki damra walisma ba. Ban wina sâp takpara. Smalki tataukra wala wal aikuki daukma kaka pana pana hilp munaia sip sa. Uplika ba diara kum mamkabi walbia kaka, witin dîa win ba man bîlam baikra wal kli wis yulam kakahbra sin walbia dukiara. Witin sip kabia ansika pliki hilp mai munaia.

• 

  Kli aisaia dukiara bapanka mangks. Uplika kau nu takan daukisa kaka, aima wala ra celular bâk aisaia dukiara makabi walanka kum swis. Makabi walaia sip sma ulbi sakanka kum witin ra correo bâk, Internet bâk apia kaka ai mihta kat yabaia sip sma sapa. Baku sin lilka kum apia kaka ulbi sakanka wina pîska kum witin ra mensaje bâk apia kaka correo electrónico bâk blikaia sip sma. Pain kaikisma kaka, wan pliska Internet ra bri ba wina diara kaikbia paiws.