“Tringsar gâdka nani sut man nani brisma ba, man nani tilam wina saki lulks”

Jekob ba nu kan Jehova ra baman mayunaia kan ba, aidul lâka mapara lâ kum âpu kan sakuna (Imp.St 20:3-5). Baha mita, Betel ra kli tawi wabia Jehova makaban taim, Jekob ai pamalika ra bara witin wal tauki kan nani sut ra win aidul bri kan nani ba sut saki lulkbia. Baha wina, Jekob aidul nani sut ba alki tasba ra bikan, bara kiama lula nani ba sin, ban kra naha nani tup baku yus muni kan (Bla.St 35:1-4). Jekob baku daukan bamna Jehova yamni kaikan.

Bara naiwa piua ra, ¿yawan nahki Jehova ra baman mayunaia sip sa ki? Pas pali, aidul lâka, sukia lâka dauki bara baha muna warkka sâtka nani ba sin yawan mapara buaia sa. Naha tânka sika, dukia kum ba sukia lâka ra yus muni, apia kaka karnika aihkakira bri ba luki dukia kum yawan brisa kaka, saki lulkaia sa. Baku sin, aman pali luki kaikaia sa dîa dukia nani ba wal puli yawan lilia takisa. Man wînam kat luki kaiks: “¿Yang buk nani aisi kaikisna bara so lilka nani kaikisna ba vampiros, zombis, apia kaka karnika aihka bri uplika nani dukiara aisisa ki? ¿Diara nani pain talia wal lilia takisna, sakuna sukia lâka bara upla ra saura muni puisin lâka wal wilkanka brisa ki?”. Diara nani sut Jehova misbara kaiki ba wina yawan sait ra kaia sa (Law 97:10).

“SITAN MAPARA DUTKI BUS” LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• 

  ¿Baibil stadi tatakra kum nina Palesa ba dîa trabilka brisa ki?

• 

  ¿Yawan ba sukia lâka bara pirit saura nani wal trabil brisa kaka dîa muni kangrigisan almukka nani hilpka ba plikaia sa ki?

• 

  ¿Yawan dîa dukia nani saki lulkaia sa ki Jehova wan kaina kahbia want sa kaka?

• ¿Palesa ba dîa daukan ki?

• Man iwisma pliska ba ra, ¿nahki sip sma ki pirit saura nani ba mapara buaia?