Jehova bara Jisas ra tingki, yawan pri lâka bribia

¿Yu bani man dîa trabilka nani mapara buisma? ¿Pamali lalka kum baku dîa sip sma ba kat trai munisma uplikam ra main kaikaia? ¿Man ba aisa yapti mayas kum sma bara kati las ra ban lalah trabilka brisma? ¿Wahma tiara kum sma bara skul watla ra lamwaska kiki saura mai munisa? ¿Siknis sma apia kaka pat almuk takram ba mita pât wahwisma? Yawan sut trabil nani brisa, sakuna muihni lakri ailal ba sim piua ra trabil ailal mapara buaia sa. Lilia wan sakisa nu kaia tisku pali naha sut trabilka nani wina pri wan sâkbia (2Ko 4:16-18).

Baha piua aimakbia bîla kaiki ba ra, wan maisa nihkisa nu kaia Jehova ai tânka brisa dîa wan taki ba, yawan kasak kabia bara bapi bûi kabia witin tara kulkisa bara kaina piua ra blisin wan munaia pramis munisa (Jir 29:11, 12). Jisas sin yawan dukiara uba lukisa. Spirit warkka nani sip ba kat daukaia trai munisa piua ra, witin pramis wan munisa: “Man nani aikuki yu bani kamna” (Mt 28:20). Gâd Kingka Lâka mununhtara pri lâka bribia ba ra aman luki kaikisa kaka, wan bîla kaikanka ba pâwbia bara traika kaikanka nani balbia taim bapi buaia karnika kau ailal bribia (Ro 8:19-21).

PRARI TARA AULA BA RA, JISAS RA WAN SINSKA MANGKI KAP LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Upla nani ba nahki Gâd wina laihura takan sa bara baha mita dîa takan?

• ¿Jehova ra kasak banhwi nani ra dîa bîla kaikisa?

• ¿Diaura tingki kaina piua pranakira kum briaia sip sa?

• ¿Tasba raya pramiska nani tila wina ani ba kau bîla kaikisma ki?