Man lilia bas bukka yus muni wala nani Jehova bara Jisas ra kasakka lukan lâka ba paks

Gâd kupia lilia daukaia dukiara, Baibil stadi tatakra nani ba kasak lukan lâka karna kum pakaia nit sa (Hib 11:6). Man lilia bas bukka ba ai kupia alkaia hilp mai munisa. Baibil tikska nani kau tânka tara bri ba, smalkanka klir nani, makabi walanka yuskira nani, lilka bara video painkira nani brisa. Baibil stadi tatakra nani daukanka painkira nani bara Gâd wal pâna lâka bribia hilp munisa kaka, kasak lukan lâka pauta ni amras dukia nani wal pâkaia sip kabia (1Ko 3:12-15).

Upla kum kum ba Gâd wal pâna lâka briaia ba kasak lukaia karna munisa, kan witin ra sip kaikras. Baha mita Jehova ra kakaira takbia bara witin ra kasak lukbia dukiara wan hilpka yabaia nit sa.

“MAN LILIA BAS” BUKKA YUS MUNI WALA NANI JEHOVA RA KASAKKA LUKAN LÂKA BA PAKS LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Kristian mairin ba Baibil klaska yabaia dukiara pain ridi takan ba yawan nahki nu sa?

• ¿Kristian mairin ba ani makabi walanka nani yus munan ai stadi tatakrika ba Aiseya 41:10, 13 ra dîa aisi kaikan ba wina ai lukanka aisabia dukiara?

• ¿Stadi tatakrika ra lilkika bara Baibil tikska nani dîa yamnika yaban?

Upla manis ba pri sakaia pura mana ba dîa sa tânka briras sa, apia kaka Gâd wina prisant kum baku kaikras sa (Gal 2:20). Baha mita Jisas sakripaiska ra kasak lukan lâka bribia hilp munaia nit sa.

“MAN LILIA BAS” BUKKA YUS MUNI WALA NANI JISAS RA KASAKKA LUKAN LÂKA BA PAKS LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Kristian waitna ba Baibil klaska yabaia dukiara pain ridi takan ba yawan nahki nu sa?

• ¿Ai stadi tatakrika ra hilp munaia dukiara “Kau pliki kaiks” pîska ra dahra nani ba nahki yus munan?

• ¿Dîa muni pura sunra ba stadi tatakrika mapara tânka tara brisa?