Septiembre kati ra Gâd Kingka lâka dukiara smalkaia warkka tara ba

Septiembre kati ra yawan sut trai munbia, upla nani sut ra wiaia Gâd Kingka lâka baman naha tasba trabilka nani wapnika mangkaia sip ba (Mt 24:14). ¿Naha warkka tara tâ baikaia dukiara dîa daukaia sip sma? Baha katka bilkara, Gâd Kingka lâka dukiara aisi Baibil tikska kum, upla sut ra aisi kaiki yabaia trai muns. Uplika kau nu takaia want sa kaka, witin ra yas La Atalaya wauhkataya numba 2, 2020 (upla sut mihta ra yabi ba). Piu wihka swipara kli witin wal aisaia dukiara bara Man lilia bas wauhkataya tara ba wal Baibil stadika kum tâ krikaia trai munpi. Septiembre katka ra yawan sanska brisa tâ baiki smasmalkra baku 15 apia kaka 30 awar wark takaia.

Gâd Kingka lâka naha tasba gabamintka nani sut sauhki tikbia dukiara kau piua wiria baman sa (Dn 2:44; 1Ko 15:24, 25). Jehova bara ai Kingka lâka ra kasak luki ba marikaia dukiara, naha piua painkira bri ba yawan pain yus munaia sa.