Jisas umpira lâka ba tnata mangkbia

Jisas tasba ra tauki kan taim upla nani ra uba latwan lâka marikan, kau pali upla umpira bara panis taki nani ra ai latwanka lâka mariki kan (Matiu 9:36). Baha mita ai rayaka yaban yawan yamnika dukiara (Matiu 20:28; Jan 15:13). Tisku pali, ai latwanka lâka ba kli wan marikbia: Witin ra Gâd Kingka lâka Kingka kabia dukiara wahbi sakan bara ai karnika ba yus munbia naha tasba ra umpira lâka bâra ba sut âpu daukaia dukiara.

Jisas dîa daukbia ba dukiara Baibil ba natka painkira ra aisisa:

• “King ba mita kasakka lâka daukbia, umpira nani ra” (Lawana Nani 72:4).

Jisas yawan kumi bani dukiara dîa daukan, bara kaina piuara sin dîa daukbia ba dukiara ¿Nahki wan tingkika lâka marikaia sip sa ki? Tnatka kum ba sika Jisas “King aimaki ba Lâka sturka” smalkan dukiara kau lan taki (Luk 4:43). “¿Que es el Reino de Dios?” ulbi sakanka ba aisi kaiks.