Jisas saurka lâka ba tnata mangkbia

Jisas ba pain nu sa nahki pali saura sa upla saurakira nani mihta ra panis wahwaia ba. Witin ai nina sauhki kunin lâka ra waihla mihta ra mangkan, bara witin ra saura pali rau sauhki muni iki banhwan. Witin ba pâtkas kan, sakuna wilinkira kan “ai rayaka sakripais baku yabaia upla wala nani ra swaki sakaia dukiara” (Matiu 20:28; Jan 15:13). Witin ba naiwa piua ra Gâd Kingka lâka kingka sa. Tisku saurka lâka sut ba tnata mangkbia bara tasba aiska ra kasak lâka bri balbia (Aiseya 42:3).

Jisas mita saurka lâka âpu daukbia taim naha tasba nahki kabia ba Baibil wan marikisa:

• “Kau piua wiria man, bara watawi ba âpu kabia, man ai watla ra pliki kama, sakuna man bui witin ba kli sâkma apia. Sakuna praut âpu nani ba lika tasba na ai dukia brih iwi kabia, diara ailal briaia bara ai âuyapah pali kabia” (Lawana Nani 37:10, 11).

¿Jisas yawan dukiara dîa daukan bara dîa daukbia ba dukiara nahki wan tingkika lâka marikaia sip sa ki? Tnatka kum kau pain ba sika “Gâd king aimaki ba Lâka sturka ba” ban lan taki kaia sa (Luk 4:43). “¿Qué es el Reino de Dios?” ulbi sakanka ba aisi kaiks.