Makabi walanka nani daukaia

Matiu 16:13-16

BÎLA PRAHNI RA: Tânkira makabi walanka dauks mai wali uplika nani ba kau lan takan dauki kabia dukiara, witin nani wal tânka ba luki kaiks, bara dîa lukanka tara bri ba marikaia.

NAHKI DAUKAIA

• Yas upla ba kau lan takan daukbia. Makabi walanka dauks upla ba silp luki kaikbia dukiara bara kau nu takaia brinka ba bribia, baku tnatka ra ansika kum pliki sakaia want kabia.

• Tânka kum ba dukiara upla wal luki kaiks. Lukanka kum upla ra marikisma ba pain ai tânka brih wabia dukiara, makabi walanka nani dauks, baku lika tânka ba param kaiki wabia.

• Dîa kau tânka tara bri ba klir mariks. Lukanka tara kum kau marikras kaina ra, makabi walanka kum wal yas upla ba kau nu takan daukbia. Tânka tara kum aisama ningkara, kupia kraukaia dukiara makabi walanka dauks apia kaka aisankam kau danh takras kaina ra.