Yu Wal Aidrubanka Tara ba Wan Spiritka laka Kaina Kahbaia Help Wan Munisa
1. Jehova ani tnatka kum bak help wan munisa smalkaia warkka ba daukaia?
1 Smalkaia warkka ba daukaia dukyara, Jehova ai kupia pihni laka ni tanka wankisa, lan wan daukisa, bara maisanihkanka nit ba sin wankisa (Mat. 24:14; 2 Tim. 4:17). Mani bani Yu Wal Aidrubanka Tara dauki ba, baha wankaia tnatka kum sa. Jehova Witnis 2010 manka ra, ai warkka nahki asla dauki ba ra, Yu Wal Aidrubanka Tara na nahki wan spiritka laka kaina kahbaia dukyara aisabia. Rom 8:5 bara Judas 17-19 wina tanka sakan kabia. Naha 2009 manka ra agosto wikka 31 wina ta krikisa.
2. a) Yu Wal Aidrubanka Tara ba nahki help wan munbia? b) Yu Wal Aidrubanka Tara wala nani ba, smalkaia warkka ra nahki help mai munan sa ki?
2 Nahki Help Wan Munbia. Aidrubanka na help wan munbia diara sat sat wina wan kaina kahbaia: Kum ba sika, diara bahki ra wan taimka tiki, diara kulkanka tara bri nani ba daukras kaia. Lan takbia nahki lâ kulkras uplika takaia apia, sakuna upla kum spirit laka kat pain wapi ba tanka laki kaikbia. Sandi pis pis aisanka ba marikbia yawan kumi bani, bara pamali baku dia daukaia sip sa wan spiritka laka ra karna kaia, bara yu bani mina prukanka nani kau tara aula ba mapara buaia. Tanka ba sika, aidrubanka na help wan munbia wan kupia lukanka ba main kaikaia, spirit laka ra yamni kaia, bara wan spiritka laka kaina kahbi bri bara, dia blisinka nani bribia sin kaikaia.
3. Yu Wal Aidrubanka Tara ba ahkia kabia ki, bara dia daukaia wilin kaia sma?
3 Aidrubankam ba anira, bara ahkia kabia nu takma wal baku, yua wal titan, tutni ra sin aman wali kaia dukyara mahka ridi taks. Nu bas, Jehova blis munisa ya uplika diara tanka aitani kat pliki dauki ba (Sins.l 21:5).
4. Yu Wal Aidrubanka Tara aula ba ra dia bribia ki?
4 Latan sa, Jehova bui spirit pata na wankisa. Alba yamni bui aidrubanka ridi daukan na lika kristian warkka ban dauki kaia helpka nit yaba wankisa. Liliakira Jehova ra tingki wisa naha pata yamnikira wanki ba mita, kan help wan munisa ‘wan kainara diara briaia bila kaiki ba aihka lakras pali ban alki bri kaia’ (Hibru 10:23-25; Jems 1:17).