Ulbi sakanka nani tringsar bila ra nit sma ki?

Pyu kum kum ra upla ra kakaira takuya taim, witin nani ba ulbi sakanka tringsar bila ra aisi kaikaia want sa, sakuna naha nani ba wan kangrigisanka ra apu sa. Nu kapram wamtla ra Internet bara impresora kum brisma kaka, ulbi sakanka nani 400 bila nani ra sakaia sip sma? Nahki muni?

• Jehova Witniska nani Internet ra ulbi pliska ra dimi kaiks: www.watchtower.org.

• Wahya pas ra dimi wama taim mihtam aihkika ra bila aisanka nani bara ba kaikma. Bila aisanka kum bara ba wina sakaia dukyara tasba lilkika lupia kum taki ba ra tais.

• Ani bila aisanka sakaia want sma ba ra tais. Wahya kum takbia, bara baha ra kaikma ani bila aisanka ba sakaia want sma: wauhtaya sirpi, wauhtaya tara, bara ulbanka lalka nani sakaia sip sma. Naha wahya ra pat ulban sa ani bila aisanka ra want sma ba, bara naha ulbanka lalka nani ba tanka briras sma kaka, wari takpara.

• Ulbanka lalka kum ra tais. Bara computadorikam ra dia plikisma ba takbia. Baha wina, impresorikam ra sakaia sip sma.

Jehova Witniska nani Internet ra ulbi pliska ra, ulbi sakanka kum kum baman mangkan sa. Ulbi sakanka wala want sma kaka, kangrigisankam ra makabaia sma. Baha wina uplika ba kau lan takaia want sa kaka, kangrigisankam wina ulbi sakanka nani saki yabaia sma.