Internet wan pliska ba: smalkaia warkka ra yus muns

Upla ra kupia buks jw.org ba yus munaia. Upla kum kum ba wan walaia want apia sa bara wan ulbi sakanka nani sin briaia want apia sa. Ban kra, witin nani ai watla bilara jw.org yus muni yawan dukiara kau nu takaia want kabia. Baha mita, sip kabia taim, upla nani ra kupia buks Internet wan pliska pali ba ra dimaia.

Ansika nani yabaia dukiara yus muns. Smalkaia warkka ra upla kum, kau nu takan dauki uplika kum apia kaka, upla kakaira kum Jehova Witniska nani dukiara makabi walanka kum daukbia kaka, uplika computadora bri ba wina apia kaka Internet ra dimaia masinka bri kaka wina ansika mariks. Kau pain kabia tikska nani Baibil wina aisi kaikaia. Baha minitka ra Internet ra dimaia sip apia sma kaka jw.org pliska wina, nahki ansika nani plikaia ba uplika ra wis. Naha pîska ba Ispail bara bîla aisanka wala ra baman takisa. (“Enseñanzas bíblicas/Preguntas sobre la Biblia” apia kaka “Sobre nosotros/Preguntas frecuentes” wi ba ra tais.)

Ulbi sakanka kum kakairikam nani ra blîks. Ulbi sakanka nani PDF apia kaka EPUB ra paskan ba Internet bâk upla kum ra blikaia sip sa. Baku sin, ulbi sakanka kum walaia dukiara grabar munan ba alahbi CD kum ra mangkaia sip sa. Wan pliska wina buk, wauhkataya nani bara wauhkataya tara ba saki Jehova Witniska apia uplika kum ra blikaia sip sa. Sakuna, ulbi sakanka ba aiska saki blîkma kaka baman kati ra smalkaia warkka ra dîa yabisma ba kulkaia sip kabia. Naha ulbi sakanka nani blîkbia taim, pain wan nina mangkbia, bara uba ailal sin blikaia apia. Baku sin, wan ulbi sakanka nani ba Internet pliska wala nani wina alahbaia apia sa. (“Ulbi sakanka” wi bâra tais.)

Lâs maisa pakanka nani ba mariks. Baibil stadi tatakrikam bara kli wih kaikisma nani ra naha pîska ba hilp munbia kaikaia nahki smalkaia warkka ba tasba aiska ra daukisa. Baku sin, wan muihni lakri sut tasba aiska ra asla ba kaiki tara kulkbia (Law. 133:1). Naha pîska ba na minit Ispail bara bîla aisanka wala ra baman takisa. (“Noticias” wi ba ra tais.)

[Wahya 5 Lilkika ba]

(Ulbanka sut kaikaia dukiara, naha ulbi sakanka ba kaiks)

Trai muns

1 “Ulbi sakanka” wi ba wina kum wahbi saks. Baks lupia nani taki ba marikisa dîa sât ulbi sakanka alahbaia sip sa, wauhkataya ulban ba apia kaka walaia baman dukia ba ani want sma ba tais.

2 “MP3” pura bâra taibia taim, ulbi sakanka nani nina ba takisa. Kum alahbaia dukiara, ulbi sakanka nina pura bâra ra tais, apia kaka Internet ra walaia want sma kaka sainka pura ba ra tais ▸ .

3 Bîla aisanka wala kum ra alahbaia want sma kaka, naha wina saks.