Marikanka nani

Pastara kati ra pas satadika Baibil stadika nani nahki tâ krikaia

“Upla ailal ba naha pura sunra bîla nani ba kli kli makabisa: ‘Man king aimakaia ba yaka balbia. Man kupiam lâka tasba ra daukan kabia, kasbrika purara dauki ba baku’. ¿Baha king aimakaia ba dîa tânka sa lukisma? [Ansika maikbia swis.] Baibil ba ansika wankisa.” Daniel 2: 44 ba aisiki kaiks. Ningkara utla dawanka mihtara La Atalaya, Pastara kati 1 wauhkataya ba yabia. Baha wina ulbanka lalka wahia 16 ra taki ba uplika wal laki kaiks. Wauhkataya nani ba uplika ra yas bara kli wih kaikaia dukiara sin makabi walanka kum ridi dauks.

La Atalaya Pastara kati 1

“Wan rayaka ba kunhku sa bara trabil tilara iwisa baha mita upla nani ba makabi walisa dîa muni yawan wan rayaka brisa. ¿Man naha ba pat makabi walram sa? [Ansika maikbia swis.] Baibil ba pramis wan munisa wan rayaka ba ban baku kabia apia. [Param marikanka 21:4 aisi kaiks.] Naha wauhkataya ba wan marikisa Gâd naha tasba dukiara dîa luki ba bara wan marikisa nahki muni yawan wan rayaka kum lilia briaia.”

¡Despertad! Pastara kati

Trabil tara kum takan ba dukiara aisas. Baha wina wis: “¿Man lukisma naha taki ba Gâd kupia lâka sa ki? [Ansika maikbia swis.] Baibil ba wan marikisa Gâd upla pât wahwi nani dukiara sari lukisa. [Impakanka Sturka 3:7 aisi kaiks.] Baibil ba sin wan marikisa dîa muni pât wahwanka ba takbia Gâd mita swisa bara ahkia sin danh âpu kabia. Naha wauhkataya na baha dukiara aisisa.”