Marikanka nani
Pastara kati ra pas satadika Baibil stadika nani nahki tâ krikaia
“Upla kumi bani wan tawanka ra rayaka kum yari bara lilia briaia want sa. Baha mita, naha dukiara man dîa lukisma ba nu takaia want sna: ¿Man lukisma upla sinskira nani ba apia kaka daktar nani ba yu kum raya ban kaia lâka wankbia?” Uplika ba ansika maikbia taim, La Atalaya wauhkataya, Pastara kati 1 wahia lâs ba mariks. Baha wina aikuki makabi walanka pas ba laki kaiks bara tiks kum aisi kaikaia sip sma. Wauhkataya nani yas, bara makabi walanka wala ansika kum yabaia dukiara ahkia kli balma yua ba wis.
Ulbanka: Naha marikanka ba Pastara kati 6 smalki taki waia aidrubanka ra laki kaikaia sa.
La Atalaya Pastara kati 1
“Yawan upla manis ra smalki ba pat ai rilidianka brisa. Sakuna, upla wala nani bâra sa rilidian nani ra kasak lukras. ¿Rilidian nani dukiara man dîa lukisma? [Ansika maikbia swis.] Jisas natka kum wankan nahki rilidian kum pain sapa nu takaia [Luk 4:44a aisi kaiks]. Naha wauhkataya tânka marikisa daukanka saura nani rilidian kum kum bri ba. Baku sin, naha makabi walanka ansika yabisa: ‘¿Rilidian kum bâra sa yawan kasak lukaia sip ba?’.”
¡Despertad! Pastara kati
“Wan lama uplika nani wal aisi taukisa trabil kum taki ba dukiara: kasak apia lâka ba. Upla kum kum ba naha trabilka ba mapara bûi pura luaia sa wisa. ¿Man lukisma upla nani mapara bûi ba diara nani ba chens munaia sip sa? [Ansika maikbia swis.] Kaiks Baibil ba dîa wisa nahki naha tasba rait pali chens munan kabia [Matiu 6:9, 10 aisi kaiks]. Naha wauhkataya ba naha makabi walanka ansika yabisa: ‘¿Mapara buan lâka ba yamnika wankisa?’.”
¡Gâd sturka yamni nani ba!
“Yawan pamali nani ra kaiki taukisa Baibil lukanka kum smalkaia dukiara. Upla manis lukisa dîa muni Gâd latwan lâka sa kaka, panis wahwanka lâka swin ban takisa naha tasba ra. ¿Man lukisma panis ba Gâd kupia lâka kan upla nani dukiara?” Ansika maikbia ningkara, wauhkataya lisin 5 ba ra was bara aikuki baiki sakanka wâl laki kaiks. Baku sin, tiks nani cursiva letrika baku taki ba aisi kaiks. Wauhkataya ba uplika ra yas, bara makabi walanka letrika siksa baku taki ansika kum yabaia dukiara ahkia kli balma yua ba wis.