Marikanka nani

Pastara kati ra pas satadika Baibil stadika nani nahki tâ krikaia

“¿Gâd ba dîa lukisa wan pura sunra nani ba walisa taim? ¿Man lukisma Witin kulkanka yabisa, apia kaka walisi baman swisa?” Ansika maikbia swis. La Atalaya wauhkataya, Pastara kati 1 wahia lâs ba mariks. Baha wina, aikuki makabi walanka pas ba laki kaiks bara tiks kum aisi kaikaia sip sma. Uplika ra wauhkataya nani ba yas bara makabi walanka wala ansika kum yabaia dukiara ahkia kli balma yua ba wis.

La Atalaya Pastara kati 1

“Gâd ba karnika sut bri ba mita, ¿Man lukisma Witin ba diara saura taki nani ba sut pâtka brisa? [Ansika maikbia swis, bara Jems 1:13 aisi kaiks.] Naha wauhkataya ra marikisa dîa muni diara saura nani ba takisa, baku sin saurka lâka bara pât wahwanka nani ba Gâd nahki âpu daukbia ba.”

¡Despertad! Pastara kati

“Yawan sut ba piua kum ra trabil kum bîla kaikras kan ba wan takaia sip sa, sampla baku, wan tasba kir ra sauhkanka kum, siknis saura kum, apia kaka wan uplika kum prui ba. Naha dukia nani ba takisa taim, ¿Man lukisma diara nani ba pain takbia lukaia ba hilp wan munisa? [Ansika maikbia swis.] Upla manis kaikan sa Baibil ba naha trabilka nani mapara hilp wan munisa [Roman 15:4 aisi kaiks]. Naha wauhkataya ra tânka marikisa Baibil ba nahki hilp wan munaia sip sa trabil tara nani brisa piua ra.”