“Upla sut wal kupia kumi lâka ra iwi kaia”
1. Utla kum ra pain wan briras kaka, ¿ani Baibil smalkanka ba wan kupia kraukaia sa?
1 Gâd uplika nani ba unsaban lâka ra iwras ba mita, kupia kumi lâka sturka ba maisa pakisa (Ais. 52:7). Upla kum kum ba ai watla kat wih kaikisa taim, ai kupia baikisa. Naha sât trabilka kum wan takbia kaka, ¿dîa ba hilp wan munbia upla sut wal kupia kumi lâka ba marikaia? (Ro. 12:18.)
2. ¿Dîa muni tânkira lâka ba marikaia aitani sa?
2 Tânkira lâka marikaia. Upla kum kum tânka kasak ba mapara sa baha mita praut takisa, bara wala nani ba yawan nu âpu sa dîa muni baku daukisa. Ban kra, baha minitka ra uplika ba pain apia kan, apia kaka trabil kum bri kan tâwan praut ai dara wali kan. Bara uplika ba yawan dîa smalki ba dukiara praut takisa kaka, ban kra upla wala Jehova Witniska nani dukiara dîa aisi ba walan ba mita kaia sa (2 Ko. 4:4). Tânkira lâka bara uplika baku dauki ba yawan patka âpu sa lukbia kaka, hilp wan munbia wan kupia alki takaskaia (S.L 19:11).
3. ¿Nahki natka ra yawan upla nani ra rispik lâka ba marikisa?
3 Rispik lâka marikaia sa. Upla aihkika ba witin nani dîa lan takan ba ra baman lukisa (2 Ko. 10:4). Sakuna diara kum lika kasak sa, upla kumi bani ba ai raitka brisa wan smalkanka ba walbia apia kaka walaia apia. Upla nani ra rispik lâka ba yabia, baku sin upla ra piu kumi ra sin yaka lukbiara witin nani ba diara tânka uya nu âpu sa. Bara uplika ba wan kangbi sâkbia kaka, rispik lâka ni mahka wabia.
4. ¿Sturi “pain bara auhni kabia” ba dîa tânka sa?
4 Latwan lâka ni aisaia. Upla nani ba yawan dukiara saura wan wibia kra sin, dîa sturka aisabia ba “pain bara auhni kabia”, wibia kaka, pain bara latwan lâka ni aisaia (Kol. 4:6; 1 Pi. 2:23). Uplika wal unsabaia watlika ra, trai munbia diara kum pliki sakaia uplika lukanka bara wan lukanka wal sim sât sapa. Tânkira lâka ni trai munbia nu takaia dîa muni uplika ba wan mapara aisisa. Sakuna, piu kum kum ra kau pain kabia uplika wal dîa aisi ba tnata mangkaia, baku uplika ba kau ai kupia baikbia apia (S.L 9:7; 17:14).
5. Smalkaia warkka ra kupia kumi lâka marikbia ba wina, ¿dîa yamnika bribia?
5 Kupia kumi lâka ba marikbia kaka, piu wala ra muihni lakri wala nani baha uplika ra wih smalkbia taim, ban kra ai kupia kraukbia bara walbia (Ro. 12:20, 21). Yawan nu âpu ban kra baha uplika nani karna pali tânka kasak mapara ba wan muihni lakri takaia sip sa (Gal. 1:13, 14). Sakuna upla nani ba chens takbia, apia kabia sin silp wan kupia alki takaski bara kupia kumi lâka marikbia. Baku Jehova ra mayunanka yabia bara upla kumi sin wan smalkanka dukiara saura aisabia apia (2 Ko. 6:3).