¿Ya nani Jehova kupia lâka daukisa naiwa piua ra?
1. ¿Ahkia wina Jehova kupia lâka wauhkataya stadi takbia bara dîa yamnika bribia?
1 Waupasa kati 28 wikka ba wina, ¿Ya nani Jehova kupia lâka daukisa naiwa piua ra? wauhkataya tara ba Kangrigisan Baibil Stadika aidrubanka ra laki kaiki kabia. Wauhkataya raya na, Aidrubanka Kau Tara “Protejamos el corazón”, piua ra takan. Naha ba stadi tatakra nani ra Jehova asla takanka ra dimaia hilp munbia dukiara paski sakan. Wauhkataya na hilp wan munbia Jehova asla takanka tilara lilia kaia, baku sin smalkaia warkka ra nahki yus munaia ba dukiara kau kakaira takbia (Law. 48:13).
2. Kangrigisan ra wauhkataya tara ba, ¿nahki stadika daukbia ki?
2 Nahki stadika ba daukbia. Naha aidrubanka tâ bribia uplika ba taim ba pain yus munbia, baku lisin kumi bani ba sim pitka tânka laki kaikbia. Lisin 28 bâra sa; tâ krikaia dukiara lisin bani makabi walanka kum lalka baku taki ba aisi kaikbia. Aisi kakaira ba pas baiki sakanka aisi kaikbia taim, tâ brabrira ba makabi walanka kum witin ridi daukan ba daukbia. Baha wina, ani baiki sakanka letrika siksa wal tâ kriki ba aisi kaikaia sa bara wali nani wal pana pana laki kaikbia. Bara tâ brabrira ba wali nani ra makabi walbia nahki naha baiki sakanka wina ulbanka lalka makabi wali ba ansika yabisa. Baku sin, lilka manis bri ba wina tânka kum kum aisaia sip kabia. Taim bâra sa kaka, tikska nani plamaika bri ba aisi kaikbia. Lisin wala ra tawras kainara, wahia mina mununhtara makabi walanka taki ba wal kupia kraukanka kum daukbia. “Kau nu takaia dukiara” bakska lupia takisa kaka, aisi kakaira ba ra makabia aisi kaikbia. Baha wina, wali nani ba aisaia sip sa nahki baha tânka Baibil stadika kum ra hilp munbia. Kau taim bâra sa kaka, lisin kumi bani laki kaikan lalka nani ba kupia kraukanka baku kli makabi walaia sip sa. Wan kupia kraukaia sa naha natka ba nahki Baibil stadika nani daukaia natka pali apia sa.
3. ¿Naha wauhkataya raya stadika wina dîa yamnika bribia ki?
3 Naha aidrubanka wina yamnika sut briaia dukiara, kaina manis pain ridi takbia bara trai munbia tânka kum kum aisaia. Tânka laki kaikbia taim, luks nahki naha ulbanka Baibil stadika nani ra hilp munaia sip sa. Naha wauhkataya raya stadi takaia ba hilp wan munbia upla wala nani ra marikaia nahki Gâd kupia lâka daukaia, baku sin ban kaia ra iwaia bîla kaikanka lâka briaia (1 Jn. 2:17).