Jisas Pruan Kupia Kraukanka ba: sanska painkira kum wankisa wan tingkika lâka marikaia

1. ¿Jisas Pruan Kupia Kraukanka yua ba dîa sanska painkira wankisa?

¹ Jisas Pruan Kupia Kraukanka ba Lih Wainhka kati 14 yua ra daukbia ba sanska wanbia kau Jehova ra wan tingkika lâka marikaia ai kupia pihnika ba mita. Luk 17:11-18 ulbanka ba wan marikisa Jehova bara Jisas naha daukanka ba dukiara dîa lukisa. Sakuna waitna 10 lipar sikniska bri kan ba wina kumi baman Jisas ra tingki win. ¡Naha ba uba sari sa! Kainara atki sakan lâka ba mita daukbia saurka nani ba sut danh takbia bara ban kaia ra iwbia. Bara baha piua ra, baha yamnika nani sut dukiara, piu bani ba Jehova ra tingki bîla nani yabia. Sakuna, ¿nahki wan tingkika lâka marikbia naha wikka lubia taim?

2. Atki sakan lâka ba dukiara, ¿nahki kau wan tingkika lâka yabia?

² Kau wan tingkika lâka marikaia sa. Wan tingkika lâka ba wan lukanka nani ba wina takisa. Atki sakan lâka ba dukiara kau wan tingkika lâka marikaia wisi, Baibil aisi kaikanka kum Jisas Pruan Kupia Kraukanka piua ba dukiara ridi daukan sa. Bara naha ba plis sât sât ra mangkan sa. Sampla baku, almanak wauhkataya bara Examinando las Escrituras diariamente wauhkataya ra takbia. ¿Pamali baku naha aisi kaikanka ba daukaia sip kabia ki? Naha daukbia kaka, atki sakan lâka ba dukiara wan tingkika lâka ba kau tara takbia, bara sim piua ra wan daukanka nani ba kau yamni kabia (2 Ko. 5:14, 15; 1 Jn. 4:11).

3. ¿Nahki natka wala ra Jisas Pruan Kupia Kraukanka piua ra wan tingkika lâka marikbia?

³ Wan tingkika lâka marikaia sa. Wan tingkika lâka ba diara dauki ba wal marikisa (Kol. 3:15). Waitnika lipar siknis bri kata ba Jisas ra plikan bara ai tingkika lâka yaban. Ban kra, witin lilia ai dara walan ba mita upla sut ra wi kan witin ra Jisas mita rakan (Lk. 6:45). Naha piua ra wan tingkika lâka bri ba, ¿nahki hilp wan munbia smalkaia warkka ba takaskraskira daukaia? Natka wala ra yawan tingki lâka marikaia sip ba sika, tâ baiki smasmalkra baku takaia, apia kaka baha piua ra smalkaia warkka ra kau awar nani daukaia. Bara baha tihmika ra, tingki lâka bri ba mita wan kupia bukbia upla nani ra yamni balan bîla yabaia bara witin nani dîa makabi walanka brisa kaka hilp munaia.

4. ¿Jisas Pruan Kupia Kraukanka piua ba tâ baikras sari kabia apia dukiara dîa daukaia sa?

⁴ ¿Naha Jisas Pruan Kupia Kraukanka bribia ba wina kli wala bribia ki? (1 Ko. 11:26.) Yawan baha nu âpu sa. Sakuna naha piua lubia swibia kaka, wan tingkika lâka marikaia sanska lus tiwan kabia. ¿Naha sanska ba yus munbia ki? Tingki bîla nani yawan aisi ba, bara wan kupia mununhtara dîa luki ba Jehova yamni kaikbia want sa, kan Witin sika atki sakan lâka ba wankan sa (Law. 19:14).