¡Wauhkataya sirpi nani paskanka raya ba!
1. ¿Ani ulbi sakanka nani paskanka sâtka raya bara painkira ba smalkaia warkka ra yus munbia?
1 “La Palabra de Dios es la verdad” Aidrubanka Kau Tara mani 2013 ra daukan ba ra wauhkataya sirpi raya nani matsipt ba yawan brin. Baku sin, Kingka Lâka Sturka, numba 38, lalka “¿Prura ba wina kli buaia sip sa ki?” wauhkataya ba sin brin. Wauhkataya sirpi 6 takan ba paskanka sâtka ba raya bara painkira sa. ¿Dîa muni satka raya pakan sa? Utla utla ra smalki kabia taim, ¿nahki naha paskanka sâtka raya bri ba pain yus munbia?
2. ¿Wauhkataya sirpi paskanka raya ba dîa daukaia hilp wan munbia?
2 Dîa muni paskanka satka raya kum brisa. Utla utla ra smalkisa taim naha kupia kraukanka walhwal ba daukisa: 1) upla ba dîa luki ba aisabia dukiara makabi walanka kum daukisa, 2) Baibil dîa smalki ba marikaia, 3) uplika ra ulbi sakanka kum marikbia aisi kaikbia dukiara bara 4) makabi walanka kum swibia yu wala ra ansika yabaia dukiara bara ahkia kli balbia yua ba uplika wal aisaia. Naha wauhkataya paskanka raya bri ba hilp wan munisa naha hilpka walhwal ba daukaia.
3. ¿Wauhkataya sirpi raya nani ba nahki upla mihtara swiaia?
3 Nahki yus munbia. Uplika ra lakula wibia taim, 1) pas makabi walanka ansika ailal briaia sip ba dukiara uplika ra yas aisabia, 2) wauhkataya sirpi ba kwaki “Baibil ba dîa smalkisa” ulbanka lalka dukiara aisaia sip sa. Baha wina Baibil tikska ba aisi kaikbia, sip sa kaka bara uplika ba taim brisa kaka “Dîa yamnika brisa” ulbanka lalka ba laki kaikaia sip sa, 3) wauhkataya ba yabia bara witin sip kabia taim aisi kaikaia kupia buks, 4) uplika wal aisi danh takaia dukiara, makabi walanka wahia tnata ra, “Luki kaiks” ulbanka lalka mununhtara ba dauks bara uplika wal aisas ahkia kli wal aisaia sip sa Baibil ansika yabi ba laki kaikaia dukiara.
4. ¿Wauhkataya sirpi nani ba nahki yus munbia upla nani ra kli wih kaikbia taim?
4 Uplika ra kli wih kaikaia isi kabia. Wahia tnata ra tikska nani taki ba yus munbia makabi walanka swin kan ba ansika yabaia bara Sturka yamni nani wauhkataya tara lilkika taki ba marikbia. Baha wina, wauhkataya tara ba marikbia bara ani lisinka baha tânka dukiara kau smalki ba marikbia, bara wauhkataya ba yabia. Wauhkataya bribia kaka, yu wala aikuki laki kaikaia dukiara uplika wal aisabia. Baku Baibil stadika kum tâ krikisa. Wauhkataya tara ba yabaia watlika ra, wauhkataya sirpi wala sip sa uplika ra yabaia bara yu wala ra bal laki kaikaia.
5. ¿Dîa muni wauhkataya sirpi nani ba smalkaia warkka ra yus tara brisa?
5 Wauhkataya sirpi nani ba mani 130 pura smalkaia warkka ra yawan yus muni aula sa. Paskanka nani ba sât sât takan sa, bara smalkaia dukiara kasak hilp wan munan sa. Paskanka raya bri ba mita yus munbia tasba aiska ra Baibil tânka ba smalkaia (S.L 15:7a).