¡Sikla kati ra wark kau tara pali daukbia!

1. Gâd Kingka lâka aimakan ba wina 100 mani alkaia man ba mita, ¿dîa warkka tara ba dauki kabia?

¹ Gâd Kingka lâka aimakan wina pat 100 mani alkaia man ba mita, ¡pain kabia Jehova ra mayunanka tara kum yabia! Sikla kati ra tasba aiska ra wauhkataya raya kum nina, ¿Makabi walanka tara nani ba anira ansika briaia? Naha wauhkataya ba upla nani ra hilp munbia makabi walanka ansika nani ba Baibil ra plikaia. Bara tânka marikbia nahki jw.org pliska ba hilpka tara yabaia sip sa.

2. Sikla kati ra, ¿nahki natkara Jehova ra wan kupia aiska ni mayunanka tara yabia?

² Gâd ra wan kupia aiska ni mayunbia. Smalki tataukra nani kau smalkaia warkka daukaia hilp munbia dukiara, sip kabia 30 awar ba daukaia tâ baiki smasmalkra baku sikla kati ra. Baha katka ba praidi, satadi bara sandi yua matsip bri ba mita, smalki tataukra manis wik bila ra skul apia kaka wark taki nani ba sip kabia tâ baiki smasmalkra baku takaia. Baibil stadikam kum apia kaka luhpiam kum smalki tataukra takaia ridisa kaka, kangrigisankam almuk warkka tâ bri ba wal mahka aisas. ¡Witin nani mapara lilia kabia naha kati tara piua ra smalki tataukra takaia! Taura smasmalkra manis ba naha kati ra ris brisa, kan pat ai taimka mani bilara dingki ba ul daukan ba mita, ban kra naha kati ra sip sa ai taimka ba laki kaikaia, bara naha warkka tara daukbia ba tila ra ai kupia aiska ni wark takaia. Pamali nani ba mahka laki kaikaia sa nahki Sikla kati ra Jehova mayunanka ba ai kupia aiska ni tâ baikaia (Esd. 3:11; S.L 15:22).

3. Naha warkka tara daukbia ba wina, ¿dîa bîla kaikisa?

³ Piu luan nani ra naha sât warkka nani daukan, sakuna bîla kaikisa naha manka ba painkira pali kabia. ¿Sikla kati ra awarka nani, smalki tataukra nani bara tâ baiki smasmalkra numbika nani pâwbia ki? Mani 2014 piua ba dahn taki auya ba ra, ¡tasba aiska ra Sikla kati ba tara kabia dukiara sakripais manis daukbia! Bara Jehova yamni wan munbia (Mt. 24:14).