Smalkaia warkka kau pain daukaia sip sa: kli wih kaikaia dukiara diara kum ridi swis

¿Dîa muni daukaia sa? Upla kum kau lan takaia want sa kaka, ai watla ra kabia taim, yawan kli wih kaikaia lukisa saumuk mangkan ba, lî laikaia dukiara (1 Ko. 3:6). Baku bamna, diara kum ridi swiaia sa baha kat aisaia dukiara ahkia kli balaia makabi walma taim. Baha mita, aitani sa makabi walanka kum swiaia ansika yabaia dukiara kli wih kaikma taim, baku dauki ba ra upla ba ai sinska ra baha dukiara luki kabia. Makabi walanka swin ba ulbi sakanka yaban bâra sa kaka, kau isi sa upla ba aisi kaikbia. Ani tânka stadi takbia ridi swiaia ba kli balaia kau isi daukisa, kan ulbanka lalka kum sakan sa bara upla ba nu kabia dîa dukiara yawan kli aisabia. Kli wih kaikma taim, bisi taim makabi walanka swin kata ba ansika yabaia dukiara balan sa wiaia sip sa bara baha dukiara sturi aisi kabia.

Nahki daukaia:

Utla nani ra dîa tânka smalkaia ridi dauki sma taim, luki bas dîa makabi walanka swima upla wal laki kaikaia kli wih kaikma taim. Baha yua ra ulbi sakanka nani upla ra swibia ba wina makabi walanka ba sakaia sip sma. Baku sin stadi yabaia ulbi sakanka nani wina sin makabi walanka ba sakaia sip sma bara kli wih kaikma taim baha ulbi sakanka ba upla ra marikma.
Upla kau lan takaia want ba wal aisi danh takma taim, yu wala kli balaia want sma ba wis bara makabi walanka ridi brisma wis. Plis kum kum ra, upla nani ba uba wark brisa bara ban kra want apia sa yawan kli wih kaikbia. Baku bamna, naku wiaia sip sma: “¿Naku awarka ra wamtla ra ban sma ki? [Ansika maikbia swis.] Wik wala ra, naha sait ra kli taukaia want kapri bara naha makabi walanka dukiara wiria aisaia... Baha yua ra uba wark brima kaka, trabil âpu”.
Awar pali kum ra waia wiram kaka, baha kat was (Mt. 5:37). Wih kaikram ba wina kau taki waras kaina ra dîa dukiara kli aisama dukiara wis.

Kati kum bilkara daukaia trai muns:

Smalkaia dukiara ridi takma taim, ani makabi walanka yus munma ba luki kaiks upla kli wih kaikma ba ra ansika yabaia dukiara. Yulam kahbi uplika ra sin wis.