Smalkaia warkka kau pain daukaia sip sa: kli wih kaikaia dukiara diara kum ridi swis

DÎA MUNI DAUKAIA SA:

Wan brinka sa tânka kasak saumukka ba upla kupia ra mangkaia (1 Ko. 3:6). Upla kum tânka kasak ba nu takaia ai brinka sa yawan sâkbia kaka, sip sa makabi walanka kum swiaia, ningkara kli wih kaikbia taim baha ansika yabaia. Baku daukbia kaka uplika ba bîla kaikbia bara yawan mapara kau isi kabia kli wih kaikaia dukiara ridi takaia. Yawan wabia taim, sip sa wiaia makabi walanka swin ba ansika munaia dukiara balan sa.

NAHKI DAUKAIA SA:

• Luki kaiks utla utla ra smalkaia dukiara, marikanka kum ridi daukbia ba ra dîa makabi walanka swibia yu wala ansika yabaia dukiara. Sip sa makabi walanka kum wahbi sakaia wauhkataya swibia ba wina. Bara Baibil stadika yabaia dukiara wauhkataya yus muni ba sip sa marikaia, kli wabia taim.

• Upla kum tânka kasak ba nu takaia want kan ba wal aisi danh takbia taim, wis yu wala witin wal kli aisaia want sma bara makabi walanka kum ridi swis. Sip sa kaka uplika nina bara dairiksanka makas.

• Dîa awarka ra balaia wiram kaka, baku dauks (Mt. 5:37).