Mani 1914 dukiara dîa luki ba nahki marikaia
Baibil ba wan wisa ya ya mita tânka kum mamkabi walbia kaka, klir pali saki wiaia dukiara “piu sut ridi bas” sakuna “bawikira bara kulkan lâka ni dauki bas” (1 Pi. 3:15). Ban kra yawan lukbia karna pali sa Baibil tânka tihu nani ba upla ra smalkaia, sampla baku yawan nahki nu sa Gâd Kingka lâka ba 1914 wina tâ krikan. Hilp wan munaia dukiara ridi daukan sa “Conversaciones con un testigo de Jehová: ¿Cuándo comenzó a gobernar el Reino de Dios?” ulbanka lalka ba pîska wâl ra takbia. Naha ba Waupasa kati bara Yahbra kati smalkaia warkka ra, La Atalaya wauhkataya nani yus munbia ba ra takbia. Naha ulbanka lalka nani laki kaiki wama ba ra, luki kaiks nahki Julio smalki tataukra waitna ba ai mapara dîa takan ba pura luan.
¿Nahki...
... upla ra lilia bîla nani aisin bara uplika wal tânka kumi saki aisan? (Ap.St 17:22.)
... Baibil smalkanka nani upla ra marikan taim bawan lâka marikan? (Ap.St 14:15.)
¿Dîa muni pain kan...
... tânka wala nani kau laki kaikras ba ra uplika tânka brisa sapa kli laki kaiki kan ba?
... sanska kum kum ra takaski Ernesto ra makabi walanka nani dauki kan pain ai tânka brisa sapa kaikaia?
... tânka uba smalkras kan ba stadika kum ra? (Jn. 16:12.)
¡Jehova wan Smasmalkra Tara ba ra tingki wisa kan Baibil tânka tihu nani ba upla nani brin dauki ba ra smalkaia hilp wan muni ba tâwan! (Ais. 30:20.)