¿Jisas Pruan Kupia Kraukanka dukiara ridi sma ki?
Nisan kati 13 mani 33 y.p manka ra, Jisas nu kan tihmia kumi baman bri kan ai pânika kau pain nani wal asla kaia witin ra ikras ba ra. Witin ai disaipilka nani wal Insal Luan yua ba lâs kulkanka yabia, baha mita natka raya kum daukan, Dawan Tutnika Pata ba. Naha piua tara kan ba mita pain ridi daukaia kan. Bamna, witin Pita bara Jan ra blikan wan mahka diara nani ba ridi daukbia (Lk. 22:7-13). Baha piua wina, mani bani kristian nani Jisas Pruanka kulkaia dukiara ridi takisa (Lk. 22:19). Naha Lih Wainhka kati 3 Jisas Pruanka kulkbia ba dukiara, ¿nahki ridi takbia?
¿Smalki tataukra nani ba nahki ridi takaia sa?
Upla nani ra paiwaia dukiara wan kupia aiska tâ baikaia.
Baibil stadi tatakra nani, tamya nani, skul pânika, wark pânika, bara kakaira nani paiwbia ba nina ulbaia.
Jisas Pruanka dukiara Baibil aisi kaikanka ba luki kaikaia.
Ridi kaia sa balbia uplika nani ra yamni balan bîla yabaia.