Nu Takan Daukisa

◼ ¿Ahkia aitani sa upla kum ra Baibil stadika danh yabaia apia?

Baibil stadi tatakra kum spirit lâka ra pawras kaka, yawan tânkira wal wiaia sa Baibil stadika ba danh yabia apia (Mt. 10:11). Silp makabi wals: ¿Awarka kat witin ridi sa? ¿Kau stadi takras kainara lisinka nani ba ridi daukisa? ¿Asla Aidrubanka kum ra witin pat wan sa ki? ¿Dîa lan takan ba wina upla wala nani ra aisisa? ¿Ai rayaka ra tawa tawa sins munisa Gâd lâka nani alki brisa? Param sa, yawan lukaia sa uplika ba an mani brisa, baku sin upla kumi bani lan takaia sip ba bara natka sât sât ra pâwisa. Sakuna yawan Baibil stadika ba alki takaskbia lukisa kaka, kaina piua ra kli stadika tâ krikaia ba swiaia sa (1 Ti. 2:4).