¿Yawan dîa pitka kat Gâd Bîla ba tara kulkisa ki?

Baibil holikira ba Jehova mita wankan, bara witin lukanka nani bara ai bîla nani ba sin brisa (2Pi 1:20, 21). Gâd Kingka Lâka tasba aiska ra aimakbia ba yawan smalki ba mita, upla nani sut ra piu yamni kum bîla kaikbia yabisa. Baku sin, Baibil ba wan Aisa heven ra ba Jehova, ai daukanka painkira nani ba wan marikisa (Law 86:15).

Yawan sut ba diara sât sât tâwan Baibil ba kulkisa. Sakuna baha kulkanka ba, ¿yu bani Baibil aisi kaiki muni marikaia sip sa ki, bara dîa wan smalki ba yawan alki brisa ki? Wan daukanka nani ba wal Lawana Nani âiulbra ba baku yawan sim sât luki naku wiaia sa: “¡Nahki man smalkankam ra latwan kaikisni!” (Law 119:97).

BAIBIL BA WITIN NANI TARA KULKAN: PÎSKA KUM (WILLIAM TYNDALE) LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• 

  ¿Dîa muni William Tyndale Baibil ba bîla lakan ki?

• ¿Baibil bîla lakaia warkka karna witin daukan ba dîa muni tara kan ki?

• ¿Inglaterra kuntrika ra William Tyndale Baibil bîla lakanka kum kum ba nahki muni yukuwi dingkan ki?

• ¿Yawan nahki marikaia sip sa ki Gâd Bîla ba tara kulki ba?