Smalkanka sinskira nani pliki sakaia dukiara jw.org yus muns

Las tnata yua nani trabilka mapara buaia dukiara, Gâd Bîla ba yawan dîa hilp nit ba sut wankisa (2Ti 3:1, 16, 17). Kuna sam taim trabil kum dukiara smalkanka kum, apia kaka hilp kum tânka wan mariki ba nit sa. Tânka kum baku, ¿luhpiam nani pakaia dukiara hilp nit sma ki? ¿Mayam waitna, apia kaka mayam mairin pruan ba tâwan sari damra walisma ki? Wahma tiara sma kaka, ¿traika kaikanka nani mapara kasakkam lukan lâka kau karna daukaia nit sma ki? Internet pliska jw.org ra naha sât trabilka nani bara trabil wala nani sin dukiara ulbanka manis Baibil smalkanka nani wal kaikma (S.L 2:3-6).

Internet pliska jw.org pas wahia ra, BAIBIL SMALKANKA NANI pîska ra was, bara tila wina kum wahbi sâks (lilka 1). Apia kaka ULBI SAKANKA > ULBANKA NANI pîska ra was bara tila wina kum wahbi sâks (lilka 2). Naha dukia nani JW Library^® ra sin kaikaia sip sma.a Kaisa ulbanka nani bâra taki ba wirâ kaikaia. Ulbanka kum pliki sakaia dukiara tnatka wala ba sin yus munaia sip sma, baks kum “Plikaia” wi ba wal.

Naha dukia nani “Plikaia” bakska ra ulbaia sip sma, bara ulbi sakanka nani man aisi kaikaia want sma ba ulbi bris:

• Luhpa nani ra smalkaia

• Wahma tiara nani sari ai dara wali ba

• Wan uplika pruisa taim