KRISTIAN RAYAKA KAT IWAIA
“Tnata yua nani” las pîska ra ban ridi kap
“Tnata yua nani” las pîska ra iwi ba mita, yawan nu sa trabil nani kau ailal takbia (2Ti 3:1; Mt 24:8). Tasba sauhkanka kum takisa taim, aima ailal ra Jehova uplika nani ba asla takanka wina swak takaia dukiara kupia kraukanka nani brisa. Yawan baha bîla wali, wan wîna tara lainka ra bara spirit lainka ra sin nawas ridi sa kaka, tasba sauhkanka kum takbia taim swak takaia sip kabia (Lk 16:10).
Spirit lainka ra ridi bas. Piua bani Baibil aisi kaiks bara silp Baibil stadi taki bas. Tnatka sât sât ra smalkaia trai muns. Piua kum kum bilara kangrigisan muihni lakri nani aikuki kaia sip apia kabia kra sin si bripara (Ais 30:15). Kupiam krauks Jehova bara Jisas ba piua bani man wal sa (od-S 175, 176 baiki s. 15-17).
Wîna tara lainka ra ridi bas. Wan dukia nani yawan nit kabia ba asla dauki ridi briaia baman aitani apia sa. Plis wala ra piua wihka takaskbia ba ra luki, pamali bani plun, lî, sîka bara diara wala nani ba aitani ridi bri kaia sa (S.L 22:3; g17.5-S 4, 6).
TASBA SAUHKANKA NANI BALRAS KAINARA YAWAN NAHKI RIDI KAIA SIP SA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Yawan tasba sauhkanka kum mapara nahki spirit lainka ra ridi kaia sip sa?
¿Dîa muni yamni sa...
... kangrigisan almukka nani wal pain aisi kaia?
... wan dukia nani yawan nit kabia ba asla dauki ridi briaia?
... tasba sauhkanka sâtka takaia sip ba dukiara aisaia, bara baha nani sâtka bani ra dîa daukaia nit ba ra lukaia?
¿Dîa tnatka yumhpa ra upla wala nani ra hilp munaia sip sa?
SILP MAMKABI WALS: “¿COVID-19 sikniska tasba aiska ra taki ba wina pain ridi kaia dukiara dîa lan takri sa?”.