¿Man pat ridi sma ki?

Man iwisma pliska ra tasba sauhkanka kum takbia kaka, ¿ridi kama ki? Tasba nikbanka kum ban wina takaia sip sa, prari kum, unta tara ami lui ba, apia kaka lisamra kum, bara saura wan munaia sip sa. Baku sin terrorista aiklabanka nani, upla turban lâka buki, apia kaka plis sât sât ra upla nani ba siknis saura alkaia sip sa (Smas 9:11). Lukaia apia sa, yawan iwi pliska ra baha sât trabilka nani piu kumi ra sin takbia apia ba.

Yawan sut dîa sip ba kat daukaia sa, tasba sauhkanka kum kau balras kainara ridi kaia dukiara (S.L 22:3). Naha sât tasba sauhkanka nani takisa piua ra, Jehova asla takanka ba hilp kum yabi kabia sin, yawan sin trai kaikaia sa silp ridi kaia (Gal 6:5).

TASBA SAUHKANKA NANI BALRAS KAINARA YAWAN NAHKI RIDI KAIA SIP SA LILKIKA KAIKBIA NINGKARA, NAHA MAKABI WALANKA NANI LAKI KAIKS:

• 

  1. Spirit lâka ra yawan karna sa kaka, ¿nahki hilp wan munbia tasba sauhkanka kum aula piua ra?

• 

  2. ¿Dîa muni yamni sa . . .

  • • ... kangrigisan almukka nani wal pain aisaia tasba sauhkanka kum kainara, sauhkanka takisa piua ra, bara lubia ningkara?

  • • ... wan dukia nani yawan nit kabia ba asla dauki ridi briaia? (g17.5-S 6).

  • • ... tasba sauhkanka sâtka takaia sip ba dukiara aisaia, bara baha nani sâtka bani ra dîa daukaia nit ba ra lukaia?

• 

  3. ¿Dîa tnatka yumhpa ra upla wala nani ra hilp munaia sip sa tasba sauhkanka kum mita pât yaban taim?