¿Blahwanka nani takbia ba ra pat ridi sma ki?

Naha tasba tnata ba pat aimakuya na ra, blahwanka, sirang tara ikanka, bara war nani ba kau ailal taki kabia (Par.M 6:4). Naha sât trabilka nani mapara ridi kaia want sa kaka, ¿yawan dîa daukaia sip sa?

• Spirit lainka ra ridi taks. Baibil ra takan sturka nani bara smalkanka nani ba ra luki, Jehova bara ai asla takanka ra kasakkam lukan lâka ba kau karna dauki bas. Baha ba hilp mai munbia Gâd Kingka lâka ra baman kasak kaia (S.L 12:5; jr-S 125, 126 baiki s. 23, 24). Nawas kangrigisan ra pâna pain nani sakaia nit sa (1Pi 4:7, 8).

• Dîa nit sma ba sut ridi dauks. Plun nani tnaya ra suni bri bas, bara pat luki kaikram kaia sa anira yukuwaikam pliska briaisma ba. Plis wala ra tawi yukuwaisma ba sin, pat luki kaikram kaia sa. Sakbatkam ba pain laki kaiks, lalah bara main kaikaia dukia nani (mascarillas, guantes bara diara wala nani) baku dîa kau nit sma ba âmya tiwbiara. Kangrigisan almukka nani teléfono numbika nani ba bri bas, bara man numbikam nani ba sin witin nani ra yas (Ais 32:2; g17.5-S 3-7).

Blahwanka lâka piua ra, spirit lainka warkka nani ba tnamya ra swipara (Pil 1:10). Takaia nit apia sa kaka, wamtla ra taks (Mt 10:16). Dîa brisma ba upla wala nani wal yui bris (Ro 12:13).

¿TRABIL SÂTKA MANIS DUKIARA MAN PAT RIDI SMA KI? LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• Istikira trabil kum takisa, bara ¿Jehova nahki hilp wan munaia sip sa?

• ¿Ridi kaia dukiara yawan dîa daukaia sa?

• ¿Yawan nahki upla wala ra hilp munaia sip sa?