SMALKAIA WARKKA RA KAU RIDI KAIA | SMALKAIA WARKKA RA KAU LILIA KAIA
Stadi tatakra nani ra smalks witin nani silp Baibil stadi takbia
Stadi tatakra nani Jehova ra kakaira taki kristian pâwan nani kabia dukiara, Baibil smalkanka pas nani wal baman takaskaia apia sa (Mt 5:3; Hib 5:12–6:2). Witin nani lan takaia sa Baibil wina silp stadi takaia ba.
Aima pas stadi yabisma taim wina, Stadi tatakrikam nani ra lan muns nahki Baibil stadika dukiara ridi munaia, bara kupia buks witin silp baha daukbia (mwb18.03-S 6). Mariks dîa muni tânka tara brisa silp stadi takras kainara pura sunaia ba. Hilp muns stadi takaia dukiara digital tulska nani yus munaia, baku sin jw.org bara JW Broadcasting® ra diara raya nani taki ba kaiki kaia. Tawa tawa lan dauks, yu bani Baibil aisi kaikaia, aidrubanka nani dukiara ridi munaia bara ai makabi walanka nani ansika nani ba silp pliki sakaia. Dîa lan taki ba aman lukaia kupia buks.
STADI TATAKRA NANI RA HILP MUNS WITIN NANI SILP STADI TAKBIA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Rita ba Coral ra nahki hilp munan tânka bribia stadi takisa taim ansika nani sakaia baman apia?
¿Coral ra nahki hilp munan tânka bribia Jehova rug lâka daukaia apia wi ba wan yamnika dukiara sa?
Stadi tatakrikam nani ra mariks dîa lan taki ba tânka briaia bara ai rayaka ra alki daukbia.
¿Coral ba dîa tânka brin aman lukaia dukiara?