Jisas Pruan Kupia Kraukanka piua ra dîa daukaia want sma ba kaina manis luki kaiks

Jehova uplika nani mapara, Jisas Pruan Kupia Kraukanka yua ba mani bilara kau tânka tara brisa. Baha yua kulkras wik kum kum kainara bara kulkan ningkara sin, pri sakaia mana aibapan Jehova ra mayunra bara tingkika lâka yabaia dukiara, yawan sanska sut ba pain yus munaia want sa (Epe 1:3, 7). Tnatka kum ba sika, baha yua ra yawan wal aidrubia upla nani ra paiwaia. Muihni lakri kum kum ba marzo kati apia kaka abril kati ra tâ baiki smasmalkra baku 30 apia kaka 50 awar nani smalkaia dukiara, kaina manis chens nani daukisa bara ridi takisa. ¿Jisas Pruan Kupia Kraukanka piua ra smalkaia warkka kau tâ baikaia want sma ki? ¿Man dîa daukaia sip sma?

Dîa daukaia want sma ba, kainara taim aitani saki, aman luki kaikma kaka, pain wabia (S.L 21:5). Jisas Pruan Kupia Kraukanka piua ba pat baila sa, baha mita mahka laki kaikaia sip sma. Baha piua ra dîa daukaia want sma ba ra luki kaiks, bara baha alkaia dukiara dîa daukaia nit sma ba sin luki kaiks. Ningkara, Jehova ra makas dîa daukaisma ba blisin munbia (1Jn 5:14, 15).

¿Jisas Pruan Kupia Kraukanka piua ra smalkaia warkka kau tâ baikaia tnatka kum kum sinskam ra balisa ki?