Jisas Pruan Kupia Kraukanka pyua ba kau smalkaia sanska wankisa!
1. Dia muni Kakamuk kati, Lih Wainhka kati bara Lih Mairin kati ra kau smalkaia dukyara tnatka ailal bara kabia ki?
1 Jisas Pruan Kupia Kraukanka pyua ra kau smalkaia sip sma ki? Ban kra iwisma pliska ra plis wala nani baku, taim pain bara kabia, bara isti tihmia iwras kabia. Baku sin, smalki tataukra ailal wark taki ba, apia kaka skul dimi nani, bakisan bribia bara kau smalkaia dukyara yus munaia sip kabia. Lih Wainhka kati 2wina upla ra paiwbia Jisas Pruan Kupia Kraukanka ra waia, naha ba Lih Wainhka kati 17 ra daukan kabia. Bara Jisas Pruan Kupia Kraukanka ra wabia nani ra kli wih kaikbia. Baku sin, yawan sip kabia paiwaia aisanka pranakira kum Lih Mairin kati 25 wikka ra daukbia ba wih walaia. Baha mita, Jisas Pruan Kupia Kraukanka pyua ra kau smalkaia dukyara tnatka ailal bara kabia.
2. Kau smalkaia dukyara, ani ba kau tnatka pain sa ki?
2 Ta baiki smasmalkra kaia. Ta baiki smasmalkra kaia ba tnatka pain kum sa kau smalkaia dukyara. Yawan uba wark bri kabia sin, kau smalkaia dukyara, kaina manas wina wan awarka nani laki kaikaia sip sa (Sins.l 21:5). Ban kra, diara kum kum daukaia nit apia ba, swiaia sip sa, bara baha sirka ra smalkaia (Pil. 1:9-11). Dia muni muihni lakri nani kangrigisan bila ra ba ra wiras man ta baiki smasmalkra kaia want sma, ban kra witin nani sin want kabia daukaia.
3. Kau smalkaia dukyara pamali nani ba nahki ridi takaia sip sa ki?
3 Pamali Mayunra Tihmika bri kama taim, sip sma pamalikam dia daukaia want ba laki kaikaia (Sins.l 15:22). Ban kra, sip kabia pamalikam tilara kum kum ra ta baikaia kati kum, apia kaka kau ailal ta baiki smasmalkra kaia. Bara pamalikam naha daukaia sip apia kaka? Witin nani sip sa, tutni ra taim sakaia, apia kaka wik tnata ra kau smalkaia.
4. Jisas Pruan Kupia Kraukanka pyua ra kau smalkbia kaka, dia blisinka nani bribia?
4 Wan sakripaiska nani dauki ba, Jehova pain kaikisa (Hibru 6:10). Bara baha daukaia, uba lilia wan daukisa (1 Kron. 29:9; W.n 20:35). Naha pyua ra kau smalkaia dukyara wan taimka laki kaikaia sip sa ki? Baku daukisa kaka, uba lilia wan dara walbia.