Naha lilkika nani yus muni Baibil klaska nani tâ kriks

Baibil klaska nani dukiara yawan lilka walhwal ridi brisa. ¿Kumi bani ba dîa smalkisa, bara smalkaia warkka ra nahki yus munaia sip sa ki?

• 

  ¿Dîa muni Baibil stadi takaia sa? (aiska ba). Upla ani rilidianka bri kabia sin, Baibil tânka kau nu takan daukbia dukiara naha lilkika ridi daukan sa. Makabi walanka tihu nani dukiara Baibil wina tânka pliki kaikbia kupia bukisa. Bara Baibil smalkanka nani nahki ansa munaia sip ba tnatka kum ra marikisa. Baibil stadika kum makabaia dukiara, naha lilkika las pîska ra tânka sin marikisa.

• 

  ¿Dîa muni Baibil stadi takaia sa? (pîska kunhku ba). Naha lilkika ba ¿Dîa muni Baibil stadi takaia sa? lilkika aiska ba wal talia sa, kuna tnatka kau kunhku ra paskan sa. Baha mita smalki pliska ra upla nani uya taim âpu sa kaka, naha marikaia kau yus kira sa.

• 

  ¿Baibil stadika nani ba nahki dauki banhwisna? Naha lilkika ba Baibil klaska mana luha nani briaia upla nani brinka bukisa. Bara klaska dukiara upla manis dîa makabi wali ba ansa munisa. Tânka kum baku, nahki Baibil klaska kum makabaia sip sa.

• 

  Man Baibil stadi taki lilia bas. Stadi tatakra nani ra naha lilkika ba marikisa. Lilkika ra Man lilia bas bukka wahia 2 dukiara aisisa, kuna wauhkataya tara wal stadi taki nani ra sin marikaia sip sa. Lilkika na bukka dukiara bîla prahni ra tânka marikisa, bara stadi tatakrika nani ra marikisa klaska nani ba nahki daukbia.

Naha lilkika nani ba paskan sa tânka sât sât marikaia dukiara. Sakuna yawan nit sa lukisa kaka, upla nani ra marikaia, apia kaka blikaia sip sa. Trai muns, naha lilkika nani wal kakaira takaia, bara smalkaia warkka ra pain yus muni yamnika sakaia.