Upla ra smalkaia dukiara wan Internet pliska jw.org pas wahia ba yus muns

Wan Internet pliska jw.org pas wahia ra, ulbi sakanka bara lilka nani ridi daukan sa, kupia wilin bri uplika nani tânka kasak kakaira takbia dukiara (Ap.St 13:48). Naha pliska ra, tasba aiska ra taki sturka nani bara upla trabilka nani dukiara aisisa.

¿Wan Internet pliska jw.org pas wahia ba upla ra smalkaia dukiara nahki yus munaia sip sa?

• Piua bani wan Internet pliska ra dimi kaiks. Pas wahia ra ulbanka nani suni ba aisi kaiki, smalkaia warkka ra nahki yus munaia sip sma ba dukiara luki kaiks. (Pas wahia ra, ulbanka bara lilkika raya nani sunan ba kaikaia want sma kaka “kau kaiks” pliska ra tais). Kau pain smalkma dukiara hilpka manis pliki sakaia sip kama.

• Upla wala ra aisaia tâ krikaia dukiara pas wahia ulbanka bara lilkika nani yus muns. Naiwa piua ra upla nani diaura kau luki ba dukiara tânka nani kaikaia sip sma.

• Pas wahia ba mariks. Ulbanka nani lalka kum kum mariks, bara nahki tânka nani pliki sakaia sip ba lan dauks.

• Link kum blîks. Upla kum kum ba yawan wal aisaia uya laik apia sa, kuna wan Internet pliska ra lika dimi kaikaia wilin sa. Baha mita upla nani kau nu takan daukisa kaka, namhpa namhpa lukraskira, wan Internet pliska pas wahia ulbanka kum, apia kaka lilka kum dukiara linkka ba uplika wal sher muns.