¿Tasba sauhkanka trabilka nani wapnika mangkaia dukiara Gâd Kingka lâka ba dîa daukbia?

“Tasba sauhkanka trabilka nani ba, upla, daiwan, bara insla nani ra kasak ambuk munisa. Baha tâka prari nani takisa taim, kau karna prukisa, utla nani sauhkisa, bara upla manis ba ai warkka nani lus tiwisa. Piu bani kabu ba kau lapta taki ba mita, baha ra iwi daiwra nani ailal ba prui tiwisa” (Nisan nani asla takanka tâ brabrira hilp mamunrika, tasba sauhkanka nani wapnika mangkaia dukiara wark taki daknika tâ brabrira, Inger Andersen, 2023, julio kati, yua 25).

¿Tasba aiska gabamintka nani sut asla takbia kaka naha sât trabilka nani wapnika mangkaia sip kabia ki? Bara wapnika mangkaia natka kum sâkbia kaka ¿naha sât trabilka nani ban kaia ra âpu daukaia sip kabia ki?

Baibil ba gabamint kum dukiara aisisa, bara wisa naha gabamintka ba tasba sauhkanka trabilka nani sut wapnika mangkaia sip sa. Naha gabamintka dukiara naku aisisa: “kasbrika purara Gâdka ba king lâka kum bukbia”, wibia sa kaka naha gabamintka ba tasba bisniska nani sut tâ bribia (Daniel 2:44). Naha gabamintka karnika mununhtara upla nani ba pana pana “saura munbia apia” bara tasba ra “sauhki sin tikbia apia” (Aiseya 11:9).