Yakan bara sari dara walaia trabilka ba pâna pain nani pliki saki pura lus | Baibil ba hilp mai munaia sip sa

Tasba aiska ra 2023 manka wina, yakan bara sari dara walaia trabilka mapara kau karna aiklabi aula sa. ¿Naha trabilka ba pura luaia sip sa ki?

• “Yakan ai dara walaia bara upla nani wina laihura takaia trabilka ba upla wîna tara yamnika mapara trabil tara kum sa, bara saura munaia sin sip sa. Kuna yawan naha trabilka mapara aiklabaia karnika brisa.” ¿Nahki natka ra? “Yawan sip sa yu bani karna trai munaia upla nani wal pânika lâka bri ba kau dutki daukaia” (Stech kuntrika ra upla wîna tara yamnika dukiara wark taki asla takanka tâ brabrira daktar Vivek Murthy).a

Yakan bara sari dara walaia trabilka ba upla nani wina laihura taki ba mita tâka baman apia sa, kan upla kum kum ba upla ailal nani tilara kabia kra sin ban yakan ai dara walisa. Dîa tâka kabia kra sin yakan bara sari dara walaia trabilka ba yawan pura luaia sip kabia dukiara, Baibil ba hilp wan munaia sip sa. Kan smalkanka yamni nani brisa, naha nani ba hilp wan munisa yakan bara sari wan dara walaia trabilka mapara bapi buaia, bara wala nani wal pânika lâka bri ba kau dutki daukaia.

Baibil smalkanka kum kum hilp mai munaia sip ba

Upla wal ban aisi bas. Naha tânka apia sa man nahki damra walisma ba dukiara baman aisaia, kan uplika wala nahki ai dara wali ba, bara dîa luki ba sin aman walisma. Wala nani dukiara lukisma ba marikma kaka witin nani wal pânika lâka brisma ba kau dutki kabia.

• Baibil tikska: “Kumi bani ai painka yamnika baman plikaia apia sa, sakuna wala nani yamnika dukiara sin plikbia” (Pilipai 2:4).

Pâna pain nani kau ailal pliks. Naha uplika nani tilara kaia sip sa, man wal kau almuk nani, apia kaka kau wahma tiara nani, bara iwanka natka sât sât bri uplika nani sin.

• Baibil tikska: “Man nani kupiam ba kasak param pali [kwâks]” (2 Korint 6:13).

Pâna pain nani nahki pliki sakaia sip sa ba dukiara kau nu takaia want sma kaka “Cómo saciar la sed de amistad” ulbanka ba aisi kaiks.