Sari bara yakan dara walaia trabilka ba wala nani ra hilp muni pura lus | ¿Baibil dîa wisa?

Tasba aiska ra upla manis ba yakan ai dara walisa bara pâna pain nani âpu sa lukisa. Upla wîna tara yamnika dukiara wark taki daktarka nani kum kum ba lukisa, naha sat trabilka ba upla wala nani ra wan hilpka yabi sa taim pura luaia sip sa.

• “Nitka bri uplika nani ra wan hilpka yabisa taim, wan rayaka ra kau pain wan dara walisa, baku sin yakan bara upla nani wina laihura takaia trabilka mapara bapi buaia dukiara, hilp wan munaia sip sa” (Stech kuntrika ra upla wîna tara yamnika dukiara wark taki asla takanka).

Baibil wan smalkisa nahki wala nani ra wan hilpka yabaia sip sa. Bara naha smalkanka nani ba yawan alki daukbia kaka, yakan bara sari dara walaia trabilka mapara bapi buaia sip kabia.

Man dîa daukaia sip sma ba

Kupia yamni lâka mariks. Dîa brisma ba wala nani aikuki sir muns. Tânka kum baku, wala nani wal taim luaia dukiara sanska nani pliks, man kupia pihni lâka marikisma taim, wala nani ba tingki mai lukisa bara witin nani wal pânika lâka brisma ba kau karna daukaia sip sma.

• Baibil tikska: “Yas upla wala nani ra [...] bara bui pana man nani ra maikbia” (Luk 6:38).

Hilpkam yabaia dukiara wilin bas. Trabil ku lui uplika nani ra hilp munaia dukiara natka sât sât pliks. Tânka kum baku, witin nani ra aman wali nahki ai dara wali ba tânka briaia trai muns.

• Baibil tikska: “Pâna rait aihwa kum ba piu bani ra ai latwanka lâka marikisa” (Sins Lâka 17:17, Diego Ascunce).

Pâna pain nani nahki pliki sakaia sip sa ba dukiara kau nu takaia want sma kaka “La familia y los amigos” ulbanka ba aisi kaiks.