¿Dîa muni Jehova witniska nani dus prihni yus munras ki?

Upla aihkika mapara dus prihni ba kristian lâka marikaia dukiara tukinka kum baku sa. Ban sakuna Jehova witniska nani ba kristian banhwisa, sakuna dus prihni ba yus munras bara mayunras. ¿Dîa muni?

Pas pali, Baibil ba wan marikras Jisas ba dus prihni kum ra pruan, Baibil wisa Jisas ba dus kum ra pruan. Baku sin kristian nani ra naha smalkanka ba yabisa: “Aidul nani ra puram suni mayunaia ba wina man nani plaps”. Bara dus prihni ba prias ra yus munaia ba aidul nani ra mayunaia marikanka kum sa (1 Korint 10:14; 1 Jan 5:21).

Tnatka wala ra, Jisas smalkan rait aihwa kristianka nani ra nahki kakaira takai kan ba: “Man nani pana pana walkam ra latwan kaikisma kaka, upla sut kaikbia man nani ba yang disaipilki nani sma” (Jan 13:34, 35). Baha mita, kristian rait aihwa kum sa marikaia dukiara dus prihni bara lilka wala nani yus munras, kau ni latwan lâka ai walka ra marikisa.